„ვაზი ტრადიციული“ ტკბილეულის ახალი ქართული ბრენდია, რომელიც აწარმოებს ქართულ ნატურალურ პროდუქციას ,კონსერვატების დანამატების და შაქრის გარეშე. კომპანია სამი თვის წინ დაარსდა და მისი დამფუძნებელი ნათია ბეღელაძეა.
საიდან გაჩნდა „ვაზი ტრადიციულის“ შექმნის იდეა?
– იდეა წამოვიდა იქედან, რომ ჩვენს ოჯახს ძალიან გვიყვარს ჩურჩხელა.სამწუხაროდ, საქართველოს ბაზარზე თითქმის ვერ ვნახულობდით ნატურალურ პროდუქციას, ამიტომ თავდაპირველად ჩვენთვის ვამზადებდით. მრავალფეროვნებისთვის დავამატეთ ნატურალური ჩირი და მოსახერხებელი პატარა ზომები დავამზადეთ. იმდენად მოეწონათ მეგობრებსა და ახლობლებს, რომ გადავწყვიტეთ ჯანსაღი ქართული ტკბილეული სხვებისთვისაც გაგვეზიარებინა. ასე შეიქმნა ჩვენი ბრენდი, რომელიც წარმოდგენილია “თბილისი მოლში”.
რამდენი ხანია რაც ბაზარზე არსებობთ და როგორ შეხვდა მომხმარებელი თქვენს პროდუქციას?
– ჯერ მხოლოდ 3 თვეა რაც ბაზარზე ვართ წარმოდგენილები და ჩვენი მომხმარებლის რაოდენობა ყოველდღე იზრდება. ყველაზე მეტად მოსწონთ, რომ ჩვენი პროდუქტი არ შეიცავს შაქარს და ბუნებრივი გემოთია წარმოდგენილი.
რა სახის პროდუქციას სთავაზობთ მომხმარებლებს?
– ჯერჯერობით მომხმარებლებს ვთავაზობთ: ჩურჩხელას ქლიავის, ვაშლის და კურაგის ჩირით, ასევე შერეულს თხილით და ნიგვზით და რა თქმა უნდა, კლასიკურ ჩურჩხელას. ჩვენი პროდუქცია დაპატენტებულია „საქ პატენტის“ მიერ.
რა სირთულეები შეგხვდათ ბიზნესის დაწყებისა და განვითარების ეტაპზე?
– სირთულე შეგვხვდა ნატურალური პროდუქტის წარმოების კუთხით, რადგან ნატურალური პროდუქციის წარმოება, შენახა, ტრანსპორტირება და ერთგვაროვანი პროდუქტის მიღება დაკავშირებულია უფრო დიდ ხარჯებთან, ვიდრე კონსერვანტებით გაჯერებული პროდუქციის.
რითი ხართ გამორჩეული?
– ჩვენი პროდუქტი გამოირჩევა პირველ რიგში იმით,რომ 100%ნატურალურია არ შეიცავს შაქარს, ასევე ჩურჩხელა წარმოდგენილია ჩირთან ერთად, ძაფის გარეშე და მისი ფორმა კომფორტულია მომხმარებლისთვის.
როგორია თქვენი სამომავლო გეგმები?
– ჯერჯერობით ვფიქრობთ, ჩვენი ნატურალური პროდუქტით მოვიცვათ მთლიანი ქართული ბაზარი, თავდაპირველად ვგეგმავთ ასორტიმენტის გაზრდას და სავაჭრო წერტილების ათვისებას.
მარიამ ლეკიაშვილი