სახლის პირობებში წარმოუდგენელია კანის დაავადებების მკუნალობა! – დერმატოლოგის რეკომენდაციები

როგორ განვასხვავოთ ერთმანეთისგან კანის დაავადებები, რა აუცილებელი რეკომენდაციების გათვალისწინება გვმართებს ზღვაზე გამგზავრების წინ. ამ და სხვა საინტერესო საკითხებზე “თბილისი თაიმსს” კლინიკა „კანის” მთავარი ექიმი, დერმატო-ვენეროლოგი – გიორგი არველაძე ესაუბრა.

გიორგი არველაძე: “კანის პრობლემებმა შეიძლება ნებისმიერ ასაკში იჩინოს თავი ან ჰქონდეს პაციენტს თანდაყოლილი კანის დაავადება. ყველაზე ხშირი კანის დაავადება – სქესობრივი სიმწიფის (გარდატეხის) ასაკში გახლავთ  – აკნე.

ფსორიაზი გახლავთ კანის ერთ-ერთი ქრონიკული დაავადება, რომელიც წარმოდგენილია მოვერცხლისფრო  ქერცლით დაფარული ჰიპერემიული ბალთებით, შეიძლება იყოს გავრცელებული, როგორც მთელს სხეულზე, ასევე თავის თმიან არეში, აგრეთვე ახასიათებს ფრჩხილების დაზიანებებიც. ფსორიაზი სეზონურობით ხასიათდება, ზამთრის პერიოდში დაავადება აქტიურდება, ამ პერიოდში მზის სხივების დეფიციტის გამო, ხოლო ზაფხულში დაავადება შეიძლება გადავიდეს რემისიის ფაზაში, ანუ გამოჯანმრთელების ფაზაში. სეზონურობით ხასიათდება კიდევ ბევრი კანის დაავადება მაგ: ეგზემა, ატოპიური დერმატიტი, სოკოვანი დაავადებები, ალერგიული დერმატიტი.

ზაფხულის პერიოდში ძალზედ აქტუალურია გარუჯვის პროცესი. ძლიერ ნამზეურს, კანზე სხვადასხვა სახის გართულების გამოწვევა შეუძლია, დიდი მნიშვნელობა აქვს ნამზეურის მისაღებათ  დღის პერიოდის შერჩევას (სასურველია დილის 11:00-დან საღამოს 17:00 საათის შემდგომ). ნამზეურის შემდგომი გართულებების ( კანის დამწვრობა, აქერცვლა, სიწითლე, წვისა და ქავილის შეგრძნება, შეშუპება) ასაცილებლად დიდ  როლს თამაშობს მზის დამცავი გარეგნული გამოყენების დერმატოლოგიური საშუალებები (კრემი, სპრეი).   ულტრაისფერი სხივები ძალზედ საზიანოაა თითეული ხალისთვის და იწვევს სხვადასხვა სახის გადაგვარებასა თუ ცვლილებებს.

ხშირია ლაზერული ეპილაციის შემდგომი – კანის ალერგიული – ანთებითი გენეზის ცვლილებები გამონაყარი, (სიწითლე, შეშუპეპა, წვისა და ქავილის შეგრძნება), რომელთა თავიდან აცილება შესაძლებელია შესაბამისი ნაადრევი პროფილაქტიკური მკურნალობით.

სახის გაწმენდა – პროცედურამ უკვე დაკარგა აქტუალობა. შესაძლო კანის ტრავმირებისა და ანთებითი პროცესის გავრცელების რისკის გამო.

მე, როგორც დერმატოლოგი პაციენტებს ვურჩევდი, როგორც კი რაიმე პრობლემას აღმოაჩენენ კანთან დაკავშირებით, დაუყოვნებლივ მიმართონ ექიმ-დერმატოლოგს, რადგან სახლის პირობებში წარმოუდგენელია კანის დაავადებების მკუნალობა! სხვა შემთხვევაში არსებობს რისკი მკურნალობის  შემდგომი სხვადასხვა სახის გართულებისა.”