გავრცელებული ინფრომაციით, ბაღებში პროექტი „სერვის პლუსი“- უნდა დაინერგოს. პროექტის არსისა და მთავრი იდეს გასაგებად The Tbilisi Times თბილისის საბავშვო ბაგა-ბაღების მართვის სააგენტოს დაუკავშირდა.
,,პროექტის მიზანია თბილისის ბაგა-ბაღების თანამშრომლებისათვის მათთვის აქტუალურ და პრობლემატურ საკითხებზე კონსულტაციების გაწევა – სააგენტოში არსებული პრაქტიკისა და ცოდნის გაზიარება. გასული წლების პრაქტიკა გვაჩვენებს, რომ სააგენტოსა და ბაგა-ბაღების თანამშრომლების კომუნიკაცია, კონსულტაციების გაწევის მხრივ, ქაოტური და არაეფექტური იყო, რაც, ხშირ შემთხვევაში, ადრესატამდე ინფორმაციის არასრულად მისვლას და მისი შინაარსის ორაზროვნად აღქმას იწვევდა. პროექტი ბაგა-ბაღების მართვის სააგენტოში, ,,ერთი ფანჯრის” პრინციპით, ქოლ-ცენტრის ფუნქციონირების გზით, მომსახურების დანერგვას ითვალისწინებს. ბაგა-ბაღების თანამშრომლებს საშუალება ექნებათ სასურველი ინფორმაციის მისაღებად სააგენტოს შესაბამისი სამსახურის წარმომადგენელს – კონსულტანტს დაუკავშირდნენ. ქოლ-ცენტრი სპეციალური სერვერის საშუალებით შემოსული ზარების ჩაწერასა და შენახვას უზრუნველყოფს, ასევე, ექნება ავტომოპასუხე, რომელიც თითოეულ ზარს, შიდა ნომრის მეშვეობით, სასურველ სამსახურთან გადაამისამართებს. დაინტერესებულ პირებს, სხვადასხვა თემატიკის მიხედვით წინასწარ განსაზღვრული კონსულტანტთა ჯგუფი, კომპეტენციის ფარგლებში კონსულტაციას გაუწევს.“ – განაცხადეს ბაღების სააგენტოში.
ნინო ზარიძე
