საქართველოს ეროვნული სატყეო პროგრამის განხილვა გაიმართა.
როგორც გარემოს დაცვის სამინისტროდან აცნობეს, სასტუმრო “შერატონ მეტეხი პალასში” გამართულ შეხვედრაში მონაწილეობდნენ გარემოსა და ბუნებრივი რესურსების დაცვის მინისტრი ხათუნა გოგალაძე, სსიპ სატყეო სააგენტოს უფროსი ბიძინა გიორგობიანი, სხვადასხვა სამინისტროსა და არასამთავრობო სექტორის წარმომადგენლები, საქართველოში აკრედიტებული დიპლომატიური კორპუსის და საერთაშორისო ორგანიზაციების მაღალი რანგის პირები.
შეხვედრაზე განხილული იქნა სამინისტროს მიერ შემუშავებული შემდეგი დოკუმენტები: ეროვნული სატყეო პროგრამა, სატყეო პოლიტიკის მეორე სამუშაო ვერსია და დონორთა კოორდინაციის მატრიცა. დოკუმენტი შეეხებოდა ქვეყნის სატყეო პოლიტიკის განსაზღვრას, მიუხედავად მათი საკუთრებისა და მართვის ფორმისა.
როგორც სამინისტროში აცხადებენ, განხილული დოკუმენტის ძირითადი პრიორიტეტებია: ტყის რესურსების რაციონალური გამოყენება; ტყის მფლობელობა, მართვა და სარგებლობის უფლება; ტყეების მდგრადი მართვა; ადაპტაცია კლიმატის ცვლილების ზემოქმედებასთან; ტყეების მართვა და კანონმდებლობა; განათლება და მეცნიერება და საზოგადოების ცნობიერება და ჩართულობა.
25.09.13
