დღეს, გამოფენების ცენტრ „ექსპოჯორჯია“-ს მე -11 პავილიონში, მე–20 საიუბილეო, საერთაშორისო ტურისტული გამოფენა– Caucasus Tourism Fair- CTF’18 გაიხსნება.
გამოფენის გახსნას დაესწრებიან: საქართველოს ტურიზმის ეროვნული ადმინისტრაციის ხელმძღვანელი – გიორგი ჩოგოვაძე, საქართველოს კულტურისა და სპორტის სამინისტროს ხელოვნების დეპერტამენტის დირექტორის მოადგილე ირინა საგანელიძე და საქართველოს დაცული ტერიტორიების სააგენტოს თავმჯდომარე – დავით მარკოზაშვილი.
გამოფენის მიზანია ხელი შეუწყოს ტურიზმის განვითარებას საქართველოში და მთლიანად კავკასიის რეგიონში, მოახდინოს შიდა ტურისტული მიმართულებებისა და პროდუქტების ვპოპულარიზაცია, გაამარტივოს ინფორმაციის მიწოდება საქართველოს მოსახლეობისთვის ქვეყნის გარე მარშრუტების შესახებ, ხელი შეუწყოს სასტუმრო და სარესტორნო ბიზნესის განვითარებას რეგიონში, ერთ სივრცეში თავი მოუყაროს საერთაშორისო, ადგილობრივ და რეგიონულ ტურისტულ კომპანიებს, ავია და სატრანსპორტო სააგენტოებს, საკონსულტაციო კომპანიებს, ასევე, მათთან შესახვედრად მოიწვიოს დარგით დაინტერესებული ვიზიტორები: საელჩოების და საერთაშორისო ორგანიზაციების წარმომადგენლები, კორპორატიული ტურიზმის მომხმარებლები.
Caucasus Tourism Fair- CTF’18-წელს გამოფენაში 7 ქვეყნიდან 100-მდე მონაწილეა წარმოდგენილი.
მონაწილე ქვეყნები: საქართველო, გერმანია, პოლონეთი, რუსეთი, ჩინეთი, ტაილანდი, თურქეთი.
მხარდამჭერები: საქართველოს ტურიზმის ეროვნული ადმინისტრაცია, საქართველოს კულტურისა და სპორტის სამინისტრო, საქართველოს დაცული ტერიტორიების სააგენტო, Welcome To Georgia! National Tourism Awards.
