ტუბერკულოზი მსოფლიოში ერთ-ერთი გავრცელებული ინფექციური დაავადებაა, რომელიც ყველაზე ხშირად ფილტვებს აზიანებს. მე-20 საუკუნემდე იგი, ფაქტობრივად, განუკურნებელი დაავადება იყო. ტუბერკულიოზისთვის დამახასიათებელ სიმპტომებზე, პრევენციაზე “თბილისი თაიმსს” ტუბერკულოზისა და ფილტვის დაავადებათა ეროვნულ ცენტრში ესაუბრნენ.
„ტუბერკულიოზს შემდეგი სიმპტომები ახასიათებს: ორ კვირაზე მეტი ხანგრძლივობის ხველა ან სამ კვირაზე მეტი ხანგრძლივობის მშრალი ხველა, წონაში კლება, საერთო სისუსტე, ღამის ოფლიანობა, უმადობა, ტემპერატურის მომატება.
რაც შეეხება სტატისტიკურ მონაცემებს, ბოლო- 2017 წლის წინასწარი მონაცემებით, საქართველოში, სულ 2949 შემთხვევა დარეგისტრირდა. ადამიანები ტუბერკულოზით ცხოვრების ყველაზე აქტიურ ასაკში ავადდებიან.
პრევენციისთვის, საჭიროა სოციალური ფონის გაუმჯობესება, მიგრაციის შემცირება, პროფილაქტიკური შემოწმება. ყველა დიაგნოსტირებულ შემთხვევაში მკურნალობის დასრულება და მეთვალყურეობა.”
ნინო ზარიძე