ისლამური ტურიზმის ყველაზე პოპულარულ მიმართულებებს შორის საქართველო 130 ქვეყანას შორის 61-ე ადგილზეა – ასეთია Global Muslim Travel Index 2018-ის შედეგები.
რეიტინგს ყოველწლიურად სინგაპურის სარეიტინგო სააგენტო Crescent Rating ადგენს.
რეიტინგის შედგენისას ფასდება რამდენიმე მიმართულება მუსლიმების დასვენებისთვის. მათ შორის არის სავიზო საკითხები, რელიგიური რიტუალის შესრულების შესაძლებლობა, უსაფრთხო მოგზაურობის შესაძლებლობა.
2017 წელს იგივე რეიტინგში საქართველო 59-ე პოზიციას იკავებდა. მიუხედავად პოზიციების დაკარგვისა, რეიტინგის ავტორები პროგნოზირებენ რომ 2020 წელს საქართველო ისლამური ტურიზმის პოპულარული მიმართულებების ათეულში შევა.