საქართველოს შინაგან საქმეთა მინისტრმა გიორგი გახარიამ პარლამენტში სიტყვით გამოსვლისას 12 მაისის ღამეს კლუბებში სპეცოპერაციაში მონაწილე სამართალდამცველებს მადლობა გადაუხადა.
“მინდა მადლობა გადავუხადო თითოეულ პოლიციელს, რომელიც იღებდა მონაწილეობას. რამეთუ ჯერჯერობით ვერავინ ვერც ერთი მაგალითი უფლებამოსილების გადამეტების ვერ წარმოადგინა”, – ასე დაიწყო 12 მაისის სპეცოპერაციაზე საუბარი გიორგი გახარიამ.
“იმ შემთხვევაში, თუ იქნება წარმოდგენილი, ჩვენ შესაბამისი რეაგირება გვექნება. ამ ღონისძიებას წინ უსწრებდა დაახლოებით 3-თვიანი საგამოძიებო მოქმედებები, რის შედეგადაც ფაქტობრივი მასალებით იყო დადასტურებული რომ ნარკოტიკების გაყიდვა კლუბებში მიმდინარეობდა სისტემურად”, – განაცხადა გახარიამ.
