ინფრასტრუქტურული პროექტების ფარგლებში, ნუცუბიძის III მიკრორაიონში, მე-14, მე-15, მე-16 კორპუსების მიმდებარედ, გზა განაახლეს. ინფორმაციას თბილისის მერია ავრცელებს.
პროექტის მიხედვით, ასფალტის ახალი საფარი 2500 მ2 ფართობის შიდა ტერიტორიაზე დაიგო. პროექტის ღირებულება, დაახლოებით, 110 000 ლარია.
გარდა ამისა, ამავე მიკრორაიონში, შალვა ნუცუბიძის სახელობის სკვერის რეაბილიტაცია დასრულდა. სკვერში შესაბამისი ინფრასტრუქტურა განახლდა, შეკეთდა საბავშვო ატრაქციონების კუთხე, დასასვენებელი სივრცე გამწვანდა, განათდა და შშმ პირთათვის ადაპტირდა.
ვაკის რაიონის გამგეობის ჯანსაღი ცხოვრების წესის ხელშეწყობის მიზნით, სკვერში ასევე, მოეწყო ფიტნეს ზონა, სადაც ათი სავარჯიშო ტრენაჟორი დამონტაჟდა.
Discussion about this post