„წმინდა ილია მართლის (ჭავჭავაძის) გაზეთ „ივერიის“ სახელობის პროზა-პოეზიის პრემია – „ივერიის“ წელიწადი მეხუთე დაიწყო!
წლევანდელი წელი განსხვავებულია – საიუბილეოა გახლავთ, მეხუთე წელია, რაც პრემია „ივერია“ ემსახურება საქართველოს პროზა-პოეზიას და ხელოვნების სხვა დარგებს – ხატწერა, მხატვრობა, ფოტოგრაფია. ასევე, პრემია „ივერიაში“ დიდი მნიშვნელობა ენიჭება შშმ პირებისა და მსჯავრდებულების ჩართულობას, ასევე ახალგაზრდა თაობის (ასევე, რა თქმა უნდა, ყველა თაობის), საქართველოში მცხოვრები ეროვნული უმცირესობები.
საზოგადოებამ კარგად იცის, რომ გარდა მისი უწმინდესობისა და უნეტარესობის, ილია მეორის ლოცვა-კურთხევისა, რომ „დარგე ხე“ ჩვენ შევუერთდით და წელიწადში 350-400 ბზის ნერგს ვრგავთ საქართველოს პოეტებთან ერთად. ჩვენი პროექტი მუდმივად ვითარდება და სიახლეებითაა დატვირთული, შესაბამისად, არც წლევანდელი წელია გამონაკლისი, მით უმეტეს, რომ საიუბილეოა – მეხუთე წელია და დავამატეთ პოეტების სხვადასხვა სახით აქიტვობას ვგეგმავთ, რა თქმა უნდა, სურვილის და შესაძლებლობების ფარგლებში. პრემია „ივერიის“ 9 ივნისის მონაწილეები მორიგ ღონისძიებაზე სისხლს გაირებენ უანგაროდ, რადგან მუდმივად დგას სისხლის გადასხმის პრობლემა საქართველოში და ეს თემა პრიორიტეტად მივიჩნიეთ ამჯერად. ადამიანის სიცოცხლე ხომ ყველაზე მეტი ბედნიერებაა და ყველაფერზე მაღლა დგას… მოკლედ ბევრ პოეზია-ხელოვნებასთან ერთად ცოტა ქველმოქმედებაც!
ალბათ საზოგადოებაში გაჩნდება შეკითხვა, რომ ძალიან ბევრი საქველმოქმედო რონისძიებები ეწყობა საქართველოში და… მესმის, მაგრამ, ეს ის შემთხვევაა, როცა ხალხისთვის პოეტი-მწერალი და ნებისმიერი ხელოვანი სამაგალითო და მისაბაძი უნდა იყოს, ანუ ლიდერის ფუნქცია ჰქონდეს და გავლენას ახდენდეს საზოგადოებაში ჯანსაღი აზრის განვიტარებაზე, ჩამოყალიბებაზე და სწორად ცხოვრებაზე… ამიტომაც, ჩვენი დამოკიდებულება პროექტსა და საზოგადოებში, მნიშვნელოვნად შევცვალეთ, რომ მწერალი უნდა იყოს წინამძღოლი, ლიდერი და მნიშვნელოვანი ფიგურა და არა მხოლოდ წიგნი ან მისი შემოქმედება… დღეს მნიშვნელოვანი ფასეულობები სხვაგვარად ესმით და ეს ძალიან ცუდია! დღეს, მწერალს, თითქოს ადგილი აღარ აქვს საზოგადოების აზრის სწორად წარმართვისთვის! დღეს მწერალიც და პოეტიც მხოლოდ პოლიტიკურ ჭრილშია დანახული ან და წიგნის გამოცემასთან ასოცირდება მხოლოდ და მხოლოდ, რაც ჩვენი პროექტისთვის ზედაპირულია… ჩვენი პროექტი ხომ მისი უწმინდესობისა და უნეტარესობის ლოცვა-კურთხევით ვარსებობთ და წლებია ასე ვიღწვით, ამიტომაც ჩვენთვის ქართულ-ეროვნულია უპირველესად სხვა ერების ეროვნულ კულტურასთან და სიკარგესთან ერთად, რისი მაგალითიც უკვე არაერთი გვაქვს – „ივერიაში ჩართულია ჩვენთან მცხოვრები ეროვნული უმცირესობები და არც სხვა ქვეყნის მოქალაქეების (მწერლებზე და პოეტებზე და სხვა ხელოვანებზე) ჩართულობაზე ვამბობთ უარს.
ჩვენ გვაქვს სურვილი, რომ მწერლობამ საკუთარი ადგილი დაიბრუნოს და საზოგადოებისთვის მისაბაძი და სამაგალითო იყოს ცხოვრების წესით! შესაბამისად, ჩვენმა პროექტმა გადაწყვიტა მსგავსი მიდგომები – ქველმოქმედება და სხვადასხვა სახის საზოგადოებრივი დატვირთვები და სასარგებლო აქტივობები. ამ სემთხვევაში ჩვენ გადავწყვიტეთ გავიღოთ სისხლი, ვისაც სურვილი და ჯანმრთელობა უწყობს ხელს, რაც მხოლოდ და მხოლოდ ნებაყოფლობითია და პროექტში მონაწილეტათვის არაფერს არ ცვლის. ჩვენ ახალ სიმაღლეზე აგვყავს მწერალი და საზოგადოების ურთიერთდამოკიდებულება…“ – განაცხადა პრემია „ივერიის“ დამფუძნებელმა, ნუგზარ ჭიაბერაშვილმა.
ნუგზარ ჭიაბერაშვილმა მნიშვნელოვანი სიახლეებიც გაგვიმხილა – „ასევე, ჩვენი პროექტი მალე საზღვრებს გასცდება და მრავალ ქვეყანაში გამართავს ღონისძიებას. ამის წინაპირობა უკვე ის არის, რომ წელს, 4-15 ივნისს უკრაინის კულტურის სამინისტრო, უკრაინის სახალხო და მსოფლიო დონის მხატვარი, ბატონი ვლადიმერ კაზიუკი, ქალაქ ვინიცის ხელისუფლება და ასევე სხვა ძალიან ბევრი ადამიანი და ორგანიზაცია-დაწესებულებაა ჩართული ჩვენს პროექტში – „საუკეთესო არტისტი“. მალე ეს პროექტი საქართველოშიც განხორციელდება და შემდეგ უკვე სხვა მრავალ ქვეყანაში. ჩვენ კიდევ ბევრი საინტერესო გეგმა გვაქვს. „საუკეთესო არტისტის“ პროექტი გულისხმობს მხატვართა საერთაშორისო კონკურს-ფესტივალს…
მოკლედ, პროექტი დღითი დღე იზრდება, ვითარდება და იხვეწება მრავალმხრივად და თავის მნიშვნელოვან მიმართულებას არ ცვლის, პირიქით, აღრმავებს და ავითარებს, პოპულარიზაციას მეტად მასშტაბურად უწევს იმ სფეროებს, რომლებიც თავიდანვე განსაზღვრა – პროზა-პოეზია, ხატწერა, მხატვრობა, ფოტოხელოვნება, შშმ პირების და მსჯავრდებულების შემოქმედება-ხელოვნებას და სხვა.
„წელიწადი მეხუთეს ახალი ტურის პარტნიორი და მასპინძელია „ნატალია კვანტალიანის სახელობის სისხლის ცენტრალური ბანკი“ და „თეთრი ტბა“, რისთვისაც მადლობას ვუხდით ქალბატონ ნატალია კვანტალიანს“, – თქვა ნუგზარ ჭიაბერაშვილმა.
როგორც ნუგზარ ჭიაბერაშვილი აცხადებს, კიდევ მრავალი საინტერესო და სასარგებლო თემებით იქნება დატვირთული.
ქვემოთ შეგიძლიათ იხილოთ სისხლის გაღების პროცედურები:
დონაციისათვის აუცილებელი მოთხოვნები
ასაკი – 18-60 წელი.
სხეულის წონა – ქალი – არანაკლებ 50 კგ.
სხეულის წონა – მამაკაცი – არანაკლებ 65კგ.
აუცილებელი პირობაა რომ დონაციის მსურველი იყოს მსუბუქად ნასაუზმები.
დონორი ვერ გახდება თუ:
– მატარებელია ისეთი ქრონიკული დაავადებების, როგორიცაა დიაბეტი, ეპილეფსია, ტუბერკულოზი, ასთმა, სიმსივნე;
– არის ინფექციური დაავადების, ან ვირუსის მატარებელი;
– პარტნიორი არის ნარკოტიკის მომხმარებელი;
– მოიხმარს ფსიქოტროპულ მედიკამენტებს/ნარკოტიკებს;
– ბოლო 6 თვის განმავლობაში ჩატარებული აქვს ქირურგიული ოპერაცია;
– ბოლო 2 თვის განმავლობაში გაღებული აქვს სისხლი.
გვსურს, გთხოვოთ, რომ შემოუერთდეთ აქციას „გაიღე სისხლის სიცოცხლის გადასარჩენად“ და თქვენი მნიშვნელოვანი წვლილი შეიტანოთ ამ მეტად საჭირო და კეთილ საქმეში.
რას მიიღებს დონორი
ყველა დონორს უფასოდ ჩაუტარდება გამოკვლევები:
– სისხლის ჯგუფის განსაზღვრა
– რეზუს კუთვნილების განსაზღვრა
– რეზუს ფენოტიპის განსაზღვრა
– კელ ფაქტორის განსაზღვრა
– ჰემოგლობინის შემადგენლობის განსაზღვრა.
პირველად დონორებს, ასევე უსასყიდლოდ ჩაუტარდებათ:
– ათაშანგის სეროლოგიური გამოკვლევები
– ჰეპატიტ B (HBsAg) ვირუსის მარკირებზე გამოკვლევა
– ჰეპატიტ C (HCV) ვირუსისადმი ანტისხეულებზე გამოკვლევა
– ადამიანის იმუნოდეფიციტური ვირუსისადმი ანტისხეულებზე გამოკვლევა (აივ-HIV).
ყველა დონორი უფასოდ და კონფედენციალურად (დალუქულ კონვერტში) მიიღებს სისხლის ანალიზის პასუხებს.
გარდა ამისა, დონორებს ვთავაზობთ სისხლის დაზღვევის სერვისს. ყველა დონორს, რომელიც ორჯერ უანგაროდ გაიღებს სისხლს, ჩვენი კომპანია საჩუქრად გადასცემს დაზღვევის ბარათს, რომელითაც დონორი ან/და მისი ოჯახის წევრი საჭიროების შემთხვევაში 1 წლის მანძილზე უფასოდ მიიღებს სისხლს და სისხლის კომპონენტებს.
აქციაში ყველა მონაწილეს შპს „ნატალია კვანტალიანის სახელობის სისხლის ცენტრალური ბანკის“ სახელით გადაეცემა მადლობის სიგელი.
პ.ს. როგორც მოგეხსენებათ, ისეთი შემთხვევების დროს, როგორიცაა: ავტოავარია, მშობიარობა, ონკოლოგიური დაავადებები, კარდიოქირურგიული ოპერაციები და სხვა – გადაუდებელ აუცილებლობას წარმოადგენს პაციენტისთვის სისხლის გადასხმა. ავადმყოფს, პრაქტიკულად ყოველდღიურად სჭირდება ახალი სისხლისგან დამზადებული კომპონენტები. თუმცა, ახალი სისხლი მუდმივად დეფიციტურია, რადგან დონორთა შეზღუდული რაოდენობა, ვერ აკმაყოფილებს მზარდ მოთხოვნებს. ეს დიდ საფრთხეს უქმნის უმწეო მდგომარეობაში მყოფ ჩვენს თანამოქალაქეთა ჯანმრთელობას და სიცოცხლეს.
სწორედ ამ დეფიციტის აღმოსაფხვრელად, სისხლის ცენტრალური ბანკი რეგულარულად აწყობს აქციას “გაიღე სისხლი სიცოცხლის გადასარჩენად”. აქციის მიზანია სხვადასხვა დაავადებების დროს საჭირო სისხლის მარაგის შექმნა.
ღონისძიება, თავისი არსით, ატარებს სრულიად უანგარო ხასიათს: როგორც სისხლის დონაცია, ისე შემდეგ მისი საჭიროებისამებრ გამოყენება ხდება სრულიად უსასყიდლოდ.
დონაციის შემდეგ, სხეული იწყებს გაღებული სისხლის მარაგის შევსებას, რაც დადებით გავლენას ახდენს ადამიანის ჯანმრთელობაზე. პატივისცემით, ნატალია კვანტალიანის სახელობის სისხლის ცენტრალური ბანკი
მონაწილეთა სია: ნათელა მანჩხავა, საბა შანავა, გიგა ვეფხვაზე, ზვიად ჯიქური, მამუკა თეთრაძე, ლიკა ჯაბიძე, თამარ მეტრეველი, ვალერი კანდელაკი, მარინე ცხვედიაშვილი, ჯემალ კუხალაშვილი, გურამ ჭავჭანიძე, ლია ბეჟანიშვილი, ლამზირა შეყილაძე, დავით შერგელაშვილი, ლალი მჭედლიძე, დონარი ადეიშვილი, ლია მარტაშვილი, თინა სიყმაშვილი, შორენა მამალაშვილი
