ბათუმის ცენტრალურ ქუჩებში პარკირების საფასურის საათობრივად გადახდის სისტემა დაინერგება. ინფორმაციას ბათუმის მერია ავრცელებს.
„ქალაქის ცენტრალურ ქუჩებში პარკირების საფასურის საათობრივად გადახდის სისტემა დაინერგება, რომელიც 2019 წლის დასაწყისიდან ამოქმედდება. თუმცა, ტექნიკური საკითხების ოპერატიულად გადაწყვეტის შემთხვევაში, შესაძლებელია მისი უფრო ადრეულ ეტაპზე შემოღება.“ – ბათუმის მერია
ასევე მიმდინარეობს ავტოპარკის განახლება.
„ახალი მუნიციპალური ავტოტრანსპორტის პირველი ნაკადი აგვისტოს თვეში შემოვა, წლის ბოლომდე, საერთო ჯამში, ქალაქს დაემატება 40 ერთეული დაბალემისიური და ადაპტირებული ახალი ავტობუსი.“ – ბათუმის მერია
აღნიშნული ღონისძიებები ხორციელდება ბათუმის მდგრადი ურბანული გადაადგილების სტარტეგიის მიხედვით, რომელიც შემუშავდა გაეროს განვითარების პროგრამის პროექტის „მწვანე ქალაქების“ ფარგლებში გლობალური გარემოსდაცვითი ფონდის დაფინანსებით. ბათუმის საკრებულომ ეს სამოქმედო გეგმა და სტარტეგია აპრილის თვეში მიიღო.
ნინი მაზიაშვილი