თბილისის მერმა, კახა კალაძემ, მთავრობის სხდომაზე განაცხადა, რომ თბილისში, დიღმის ჭალების ტერიტორიასა და ე.წ. თექმის ხევში, ორი ახალი საქალაქო პარკი აშენდება . ამ მიზნით, მერია კვლევების ჩატარებას იწყებს.
“დიღმის ჭალებში, ვფიქრობთ, რომ ახალი რეკრეაციული სივრცის შექმნის თვალსაზრისით, ძალიან საინტერესო პროექტი განხორციელდება, მათ შორის მტკვართან სიახლოვის არსებობის მხრივ. მეორე ტერიტორია ე.წ თემქის ხევია, რომელიც მოცულობით ძალიან დიდია. მის გარშემო, დაახლოებით, 80 000 მოსახლეა, ასევე ახლოსაა თბილისის ზღვასთან და საპარკე სარეკრეაციო სივცრის შექმნის თვალსაზრისით დიდი პოტენციალი აქვს. მგონია, რომ თემქის ხევი ერთ-ერთი საუკეთესო ადგილია, სადაც საქალაქო პარკის განთავსება შეიძლება”- განაცხადა კალაძემ.
ასევე, კიდევ ერთი პარკის მშენებლობა გლდანის მეექვსე მიკრორაიონში იწყება. პროექტი 3 ჰექტარზე მეტ ფართობზე განხორციელდება.
ნინო ზარიძე
