მიწის რეგისტრაციის შესახებ კანონის ვადა, რომელიც 2018 წლის 1 ივლისამდე იყო განსაზღვღული, 2019 წლის 1 იანვრამდე გაგრძელდება. შესაბამისი საკანონმდებლო ინიციატივა პარლამენტში ინიცირებისთვის მზად არის.
აღსანიშნავია, რომ კანონი მიწის რეგისტრაციის რეფორმის შესახებ, რომელმაც მიწის რეგისტრაცია გაამარტივა- 2016 წლის 1 აგვისტოდან ამოქმედდა. რეფორმის დაწყებიდან კი, უკვე 486 100-ზე მეტი მიწის ნაკვეთია რეგისტრირებული.
მიწის რეგისტრაციის რეფორმის ფარგლებში მოქალაქეებისთვის უფასოა შემდეგი სერვისები: საჯარო რეესტრის მიერ მოქალაქის ინტერესში დოკუმენტაციის მოძიება და სისტემატიზაცია; ნოტარიუსის მიერ გარიგებაზე მხარეთა ხელმოწერის დამოწმება; სანოტარო მედიაცია; მიწის ნაკვეთზე საკუთრების უფლების აღიარება; ფაქტების კონსტატაცია; მიწის ნაკვეთზე საკუთრების უფლების პირველადი რეგისტრაცია და საკადასტრო აზომვითი ნახაზის გარეშე რეგისტრირებული მიწის ნაკვეთების დაზუსტება.
ბოლო მონაცემებით, სააგენტოში სარეგისტრაციო წარმოება 105 712 განცხადებაზე მიმდინარეობს.
ნინო ზარიძე
