არ მინდა შეიქმნას მცდარი განწყობა რომ ჩვენ დავანგრევთ იმ მაკროეკონომიკურ სტაბილურობას, რომელიც არის მოპოვებული – ამის შესახებ ფინანსთა მინისტრობის კანდიდატმა ივანე მაჭავარიანმა პარლამენტში სიტყვით გამოსვლისას განაცხადა.
მისი თქმით, სამთავრობო გუნდი ამ აზრზეა. “ეს არ მოხდება ჩემი მინისტრობის პერიოდში. დარწმუნებული ვარ, მთელი გუნდი ამ აზრზეა. ჩვენი საგადასახადო სისტემის ზრდა ორიენტირებულია ბიუჯეტი ზრდაზე. საგარეო ვალი სტაბილურია და არ ვაპირებთ მომავალში კიდევ გაიზარდოს”, – განაცხადა მაჭავარიანმა.
მაჭავარიანის თქმით, დეფიციტი, საგარეო ვალი და ინფლაცია, ეს იქნება პრიორიტეტები, რითაც რეფორმების გატარებას გეგმავს.
“ეს პრიორიტეტები თუ არ დავიცავი, გამიჭირდება რეფორმების გატარება რასაც ვაპირებ. ძალიან მნიშვნელოვანია ქვეყნის საგარეო იმიჯიც, რეიტინგები. ჩვენ ამ მიმართულებით ვიბრძოლებთ რომ ავწიოთ ჩვენი შედეგები”, – განაცხადა ივანე მაჭავარიანმა.
პარლამენტში გაერთიანებული კომიტეტების ორი სხდომა პარალელურ რეჟიმში გაიმართა. ერთზე ძალოვანი უწყების მომავალ ხელმძღვანელებს მოუსმინეს, მეორეზე ეკონომიკური გუნდის ახალ შემადგენლობას უსმენენ.
