წყალი მართალია უსუნუ, უგემო და უფერული სითხეა, მაგრამ იგი ადამიანისთვის სასიცოცხლოდ მნიშვნელოვანია. წყლის შემცველობა მოზრდილი ადამიანის სხეულში, წონიდან გამომდინარე, 45-დან 70 პროცენტამდე მერყეობს, ჩვილებში კი 80%-ია.
წყლის ბევრი სასარგებლო თვისება აქვს:
წყალი აჩქარებს ნივთიერებათა ცვლას;
ამაღლებს ტონუსს;
გვეხმარება წონის დაკლებაში;
გამოაქვს ტოქსინები ორგანიზმიდან;
აუმჯობესებს სახის კანის მდგომარეობას;
-0:06
დაბლა სწევს სიმსივნური დაავადებების გაჩენის რისკს;
აუმჯობესებს საჭმლის მონელებას;
ხსნის დაღლილობას;
აუმჯობესებს ორგანიზმის საერთო მდგომარეობას.
თუმცაღა, საყურადღებოა ის ფაქტიც, რომ წყლის ჭარბ მიღებას შესაძლოა უკუჩვენებებიც მოჰყვეს.
90-იან წლებში, აშშ-ში, მარათონის მონაწილეების გარდაცვალების ფაქტები დაფიქსირდა, რისი მიზეზიც წყლით ინტოქსიკაცია იყო. საქმე იმაშია, რომ თუ თქვენ იმაზე მეტ წყალს მიიღებთ, ვიდრე თქვენი ორგანიზმი გამოყოფს, სისხლში ნატრიუმის შემცველობა გაიზრდება, იმისათვის რომ ბალანსი აღადგინოს, თქვენი ორგანიზმი წყალს სისხლიდან უჯრედებში გადაქაჩავს, რაც, ასე ვთქვათ, უჯრედების შეშუპებას გამოიწვევს. თუ ეს პროცესი ტვინში განვითარდა, შესაძლოა შედეგი სავალალო აღმოჩნდეს.
სიფრთხილით უნდა მოეკიდონ წყლის დიდი რაოდენობით მიღებას ის ადამიანებიც, ვისაც ჰიპერტონია, გული, ღვიძლი და თირკმელების დაავადებები აწუხებთ.
ერთ–ერთი გავრცელებული შეცდომა, ერთ ჯერზე, წყლის დიდი რაოდენობით მიღებაა. ამ დროს თქვენი ორგანიზმი მხოლოდ მისთვის საჭირო, მცირე რაოდენობას ითვისებს, დანარჩენი სითხე კი ორგანიზმიდან გამოიყოფა, რაც თქვენი თირკმელების ზედმეტად დატვირთვის ხარჯზე ხდება. უმჯობესია ულუფა შეამციროთ, მიღების სიხშირე კი გაზარდოთ.
გაეცანით ცხრილს და გაიგეთ, დღის განმავლობაში, რა რაოდენობის წყლის მიღებაა რეკომენდირებული.
ნინო ზარიძე