დღითიდღე ვრწმუნდებით, რომ ადამიანის ფანტაზიას საზღვარი არ აქვს. ქართულ ბაზარზე გამოჩნდა ახალი ხელნაკეთი პროდუქტი, რომლის ნახვის შემდეგაც გულგრილი არავინ დარჩება. როდესაც ხელოვნება არის ადამიანში და ისინი ერთ განუყრელ მთლიანობად იქცევიან ხოლმე, ერთმანეთის გარეშე არსებობა ვეღარ წარმოუდგენიათ და იბადება ათასი იდეა, სურვილი სიახლეების შექმნის. ასე აღმოაჩინა თავისი თავი ელენე ტურიაშვილმა ხელოვნებაში და გადაწყვიტა, საკუთრი თავი ნამუშევრებში გამოეხატა. „თბილისი თაიმსს“ ბრენდის შექმნისა და სამომავლო გეგმების შესახებ, ADELANTE – ხელნაკეთის დამფუძნებელი ენელე ტურიაშვილი ესაუბრა.
უპირველესად რომ მოგვიყვეთ თქვენ შესახებ, როგორ დაიწყეთ ეს საქმიანობა და საიდან გაჩნდა იდეა ბიზნესის შექმნის?
– განათლება მაქვს ბიზნეს ადმინისტრირების, კონკრეტულად ფინანსები. მომწონს ჩემი საქმე და აქედან გამომდინარე ვმუშაობ ამ მიმართულებით. ხელოვნება კი ყოველთვის არსებობდა ჩემს ცხოვრებაში. თავისუფალ დროს ხშირად ვხატავდი/ვქმნიდი სხვადასხვა ნივთებს. მოტივატორი კი იყო ის, რომ ნამუშევრები დადებით ემოციას გამოხატავდა ადამიანებში. ამის შემდეგ დავფიქრდი, ჩემთვის ორი საყვარელი საქმის გაერთიანებაზე.
რასთანაა დაკავშირებული თავად ბრენდის სახელი – „ADELANTE“?
– სახელზე ვფიქრობდი მეგობართან ერთად. გვქონდა რამდენიმე ვერსია და როდესაც გავიგე სიტყვა “ADELANTE” მივხვდი, რომ ეს სახელი ზუსტად შეესაბამებოდა ჩემს საქმიანობას. ADELANTE ესპანური სიტყვაა და ნიშნავს „წინ“, „წინსვლას“.
როგორ შეხვდა მომხმარებელი თქვენ სიახლეს და საქართველოში თუ არსებობს მსგავსი პროდუქცია?
– მომხმარებლის დადებითი ემოცია უფრო დიდ სიხარულს მანიჭებს და ვხვდები, რომ მეტის გაკეთების შესაძლებლობა მაქვს. საქართველოში არსებობს მსგავსი პროდუქცია და ეს ჩემთვის კიდევ ერთი გამოწვევაა რომ შევქმნა მეტი განსხვავებული პროდუქცია და ვიყო კონკურენტუნარიანი.
რამდენად მოთხოვნადია პროდუქცია ბაზარზე?
– სანამ დავიწყებდი საქმიანობას ჩავატარე კვლევა იმის შესახებ, თუ რამდენად მოთხოვნადი იქნებოდა პროდუქტი, რომლის შექმნაც გადავწყვიტე. კვლევის მონაცემებზე დაყრდნობით მომემატა მოტივაცია და დავიწყე “სიყვარულიკების” შექმნა.
როგორია ფასები და სად შეიძლება პროდუქციის შეძენა?
– ფასები კონკურენტებთან შედარებით საკმაოდ დაბალია, რასაც ხარისხზე ვერ ვიტყვით. ამ ეტაპზე პროდუქციის შეძენა შესაძლებელია ინტერნეტით. მომავალში კი ვგეგმავ ბევრ საინტერესო სიახლეს.
როგორია „ADELANTE“-ს სამომავლო გეგმები?
– ADELANTE-ს სამომავლო გეგმები საკმაოდ მრავალფეროვანი, სიახლითა და სიყვარულობებით სავსეა. მომავალში შემოგთავაზებთ ბევრ საინტერესო, ნებისმიერ ასაკზე მორგებულსა და გაფერადებულ გამაბედნიერებლებს. უახლოეს მომავალში მომხმარებლებს ADELANTE მხოლოდ ხის მასალისგან და თიხისგან დამზადებულ ნაკეთობებს არ შესთავაზებს. გაიზრდება ასორტიმენტი და გახდება მრავალფეროვანი.
მარიამ ხუციშვილი