პრეზიდენტი არასდროს გაურბოდა იმის თქმას, რომ ნინო გვენეტაძემ მისი, ისევე როგორც ძალიან ბევრი ჯგუფის იმედები ვერ გაამართლა,- ამის შესახებ პრეზიდენტის საპარლამენტო მდივანმა ანა ნაცვლიშვილმა განაცხადა.
პრეზიდენტის მრჩევლები ამ წუთებში, მთავრობის ადმინისტრაციაში აკადემიური წრეების წარმომადგენლებს ხვდებიან, სადაც ისინი უზენაესი სასამართლოს თავმჯდომარის შესარჩევ კრიტერიუმებზე მსჯელობენ.
ნაცვლიშვილის თქმით, სამწუხაროა, რომ გვენეტაძემ ეს მოლოდინები ვერ გამართლდა.
„უზენაესი სასამართლოს თავმჯდომარეს სჭირდება მხარდაჭერა საკანონდებლო ორგანოსა და აღმასრულებელი ხელისუფლების მხრიდან, განსაკუთრებით იუსტიციის სამინისტროს მხრიდან, იმისთვის, რომ მოგვარდეს სისტემაში არსებული პრობლემები. ფაქტია, რომ მას არანაირი ხელშეწყობა არ ჰქონდა არცერთი ორგანოსგან. შესაბამისად, არ შეიძლება სასამართლო სისტემის პრობლემები ერთ ადამიანს დაბრალდეს”, – განაცხადა ნაცვლიშვილმა.
უზენაესი სასამართლოსა და იუსტიციის უმაღლესი საბჭოს თავმჯდომარემ ნინო გვენეტაძემ თანამდებობის დატოვების შესახებ 2 აგვისტოს განაცხადა და ამის მიზეზად ჯანმრთელობის მდგომარეობა დაასახელა. მისი გადაწყვეტილება მოულოდნელი აღმოჩნდა, როგორც იუსტიციის უმაღლესი საბჭოს წევრებისთვის, ისე პოლიტიკოსებისთვის.
