სამების ტაძარში, პატრიარქმა ილია მეორემ საკვირაო ქადაგებისას, კანაფის კულტივაციის შესახებ კანონპრეოქტთან დაკავშირებით საკუთარი პოზიცია კიდევ ერთხელ დააფიქსირა.
„ჩვენ უპირველეს ყოვლისა უნდა გავერთიანდეთ რწმენით, სიყვარულით, სასოებით, სიკეთით. სიკეთე უნდა ვაკეთოთ და დაგვიბრუნდება. ამ ბოლოს დროს მღელვარება იყო ჩვენს ერში იმ კანონის გამო, რომელიც ეხება მარიხუანას. ჩვენ უნდა ვიცოდეთ, რომ ნარკოტიკი და მათ შორის მარიხუანა ადამიანის დამღუპველია. ჩვენ უნდ ვიცოდე, რომ საშიშია ჩვენი ახალგაზრდობისთვის, ჩვენი მომავლისთვის და ვთხოვეთ, ხელისუფლებას და პარლამენტს, რომ კანაფის კულტივაციის შესახებ კანონი არ მიიღონ.
ჯერჯერობით შეჩერებულია ეს კანონი და იმედია, მომავალში არ მიიღებენ. იმედია, რომ მშვიდობა დაისადგურებს საქართველოში და ჩვენი ოჯახები დამშვიდდება. შევთხოვთ უფალს რომ უფალმა ისმინის ჩვენი ლოცვა და უფალმა შთააგონოს ჩვენს ხელისუფლებას რომ ეს საჭიროა მისი გაწვევა“, – განაცხადა პატრიარქმა.
22 სექტემბერს,საქართველოს პარლამენტის თავმჯდომარე ირაკლი კობახიძე საპატრიარქოში ილია მეორეს შეხვდა. როგორც კობახიძემ საპატრიარქოში შესვლამდე ჟურნალისტებს განუცხადა, შეხვედრის ერთ-ერთი თემა კანაფის შესახებ კანონპროექტსაც ეხებოდა.
20 სექტემბერს, ირაკლი კობახიძემ კანონპროექტის განხილვის შეჩერების შესახებ განაცხადა.
