შს ყოფილ მინისტრს და ყოფილ პრემიერ-მინისტრს ვანო მერაბიშვილის ე.წ. მატროსოვის ციხეში, სავარაუდოდ, დღეს გადაიყვანენ. სპეციალური პენიტენციური სამსახური აღნიშნულთან დაკავშირებით გადაწყვეტილებას ექიმების რეკომენდაციის შესაბამისად მიიღებს.
მერაბიშვილმა ღამე “მედიქლაბ ჯორჯიაში”გაატარა, სადაც გამოკვლევები უტარდებოდა.
მსჯავრდებული სამოქალაქო კლინიკაში 2 ოქტომბერს, დილით გადაიყვანეს.
ვანო მერაბიშვილის ჯანმრთელობის პრობლემები ორ თვეზე მეტია აწუხებს. ის სამოქალაქო კლინიკაში უკვე მეხუთედ გადაიყვანეს. მერაბიშვილისთვის დადგენილ დიაგნოზებს შორის ჰორნერის სინდრომია, რასაც სიმსივნური დაავადებები ან ინტოქსიკაცია იწვევს.
