2018 წლის 15 ოქტომბერს ქ. ლუქსემბურგში დაგეგმილია ,,აღმოსავლეთ პარტნიორობის’’ საგარეო საქმეთა მინისტერიალი,საგარეო საქმეთა და უსაფრთხოების პოლიტიკის საკითხებში ევროკავშირის უმაღლესი წარმომადგენელი/ევროკომისიისვიცე-პრეზიდენტის ფედერიკა მოგერინისა და ევროკომისრის, ევროპული სამეზობლო პოლიტიკისა და გაფართოებისსაკითხებში იოჰანეს ჰანის მონაწილეობით. აღნიშნულ შეხვედრას, ასევე დაესწრებიან ევროკავშირის წევრ სახელმწიფოთა და„აღმოსავლეთ პარტნიორობის“ წევრი ქვეყნების წარმომადგენლები. ქართული მხრიდან მინისტერიალში მონაწილეობასმიიღებს საქართველოს საგარეო საქმეთა მინისტრი, დავით ზალკალიანი.
შეხვედრის ფარგლებში მხარეები ყურადღებას გაამახვილებენ 2017 წლის 24 ნოემბერს ქ. ბრიუსელში გამართულ „აღმოსავლეთპარტნიორობის“ სამიტის შემდგომ მიღწეულ შედეგებზე, მათ შორის 2020 წლისთვის 20 შედეგის შესრულების პროცესზე. ამასთანავე, იმსჯელებენ თანამშრომლობის შემდგომი გაღრმავების გზებსა და სამომავლო პერსპექტივებზე. მინისტერიალისფარგლებში, ასევე დაგეგმილია მინისტრის ორმხრივი შეხვედრები, ევროკავშირის ინსტიტუტების მაღალი რანგისა და წევრიქვეყნების წარმომადგენლებთან.
ბელგიის სამეფოსა და ლუქსემბურგის დიდ საჰეცოგოში საქართველოს სრულუფლებიანი ელჩის და ევროკავშირთან საქართველოს მისიის ხელმძღვანელის, ნატალი საბანაძის განცხადებით, მინისტერიალზე განსაკუთრებული ადგილი დაეთმობა“აღმოსავლეთ პარტნიორობის” ინიციატივის 10 წლის საიუბილეო თარიღს, რომელიც მომავალ წელს აღინიშნება. ამ კუთხითასევე წარიმართება მსჯელობა ზოგადად აღნიშნული ინიციატივის სამომავლო განვითარების ტენდენციებზე.
