ამ წუთებში ცენტრალურ საარჩევნო კომისიაში ავღანეთში ჩატარებულ კენჭისყრის შედეგებს ითვლიან.
ცესკოს ინფორმაციით, იმ სამხედროებისთვის, რომლებიც ავღანეთში მსახურობენ, ორი საარჩევნო უბანი – მაზარი შარიფისა და ბაგრამის უბნები იყო გახსნილი. ხმის მიცემის პროცედურა ამ უბნებზე 25 ოქტომბერს გაიმართა.
ცესკოს ინფორმაციით, ავღანეთში, ორივე სამხედრო ბაზაზე სულ რეგისტრირებული იყო 875 ამომრჩეველი. რამდენმა მათგანმა დააფიქსირა საკუთარი არჩევანი, ამის შესახებ ხმების დათვლის შემდეგ გახდება ცნობილი. როგორც ცესკოში აცხადებენ, ამ დროისთვის სალომე ზურაბიშვილი ლიდერობს.
