ხევსურეთში, გორშეღმის ხეობის ერთადერთი მკვიდრი, 76 წლის მიხა პაპა სუსხიან ზამთარს თბილ ქოხში გაატარებს. საზოგადოებამ მიხა პაპას პრობლემის შესახებ “მთის ამბების” მიერ მომზადებული სტატიით შეიტყო და მის დასახმარებლად კამპანიაც წამოიწყო.
„ბალღებო, თქვენ არ იცით რა დარდისგან გადამყარეთ, თბილ ქოხ რომ მექნების. ფშავ-ხევსურეთის სალოცავები გწყალობდეთ. სიკეთე არ დაიკარგების“
“ღმერთმა ხელ-მხარ შეგარჩინათ, გულთან ახლოს რომ მიიტანეთ უცხო ხალხმა, მოხვედით და სახლი დადგით. დალოცვილო ღმერთო, ჩემო სალოცავო, ძალიან კარგი სამყოფაი არს ნეტაი ადრ მოსულიყავით. ქალაქჩი არ იქნების ეგეთ. აღარც შემცივდების, მიწაჩი აღარ ვიცხოვრებ. 20 წელი დათვივით ვიყავ. დათვსაც კი უფრო თბილ სოროი აქვს. მთელ ნაქარს ზედ მაყრიდა. მეც მიკვირს ჩემი სალოცავის გამარჯვებამ, 20 წელ ამას როგორ გავუძელი, რომ არ მავკვდი. ღმერთმა დაგლოცოთ მე რაით გადაგიხდით ამ მადლიან საქმეს. 0 790 501474 ჩემ ნომერ არს, დამეხმაურეთ. ნოემბრიდან მაისამდინ მარტუაი ვარ, ყვა-ყორან არ დაფრინავს აქ და ხმაი მაინც გავიგებ”, – ამბობს მიხა პაპა , რომელიც ზამთარს ახლა უკვე თბილ ქოხში გაატარებს.
წყარო: “მთის ამბები”