თბილისის იუსტიციის სახლთან გამართული აქციის მონაწილეები შენობაში შესვლის უფლებას არ აძლევნდნენ ეთნიკურად არაქართველებს. ამ ძალადობრივ და დისკრიმინაციულ ქმედებაზე გამოძიება შსს-მ დაიწყო.
საქმეზე გამოძიება სისხლის სამართლის კოდექსის 142-ე მუხლით მიმდინარეობს. ამ მუხლის თანახმად, ადამიანთა თანასწორუფლებიანობის დარღვევა მათი მოქალაქეობის, წარმოშობის გამო ისჯება ჯარიმით ან გამასწორებელი სამუშაოთი ვადით ერთ წლამდე ან/და თავისუფლების აღკვეთით ვადით ორ წლამდე.
აქციას იუსტიციის სახლთან ორგანიზატორობას უწევდნენ პარლამენტის დეპუტატები „პატრიოტთა ალიანსიდან“ და „ქართული მარშის“ წევრები. ისინი ითხოვდნენ, რომ საკონსტიტუციო სასამართლოს მიერ მიღებული გადაწყვეტილების მოქმედება შეეჩერათ.
საქართველოს ტერიტორიაზე სასოფლო-სამეურნეო მიწების ყიდვა სხვა ქვეყნის მოქალაქეებს ისევ შეუძლიათ. უცხო ქვეყნის მოქალაქეებისთვის შეზღუდვები საკონსტიტუციო სასამართლომ დღეს, 7 დეკემბერს გააუქმა.
მიხეილ ლუხუტაშვილი