საქართველოს პრეზიდენტი სალომე ზურაბიშვილი ზუგდიდში, გიგა ოთხოზორიას ოჯახში იმყოფებოდა.პრეზიდენტმა გიგა ოთხოზორია განსაკუთრებული მოქალაქეობრივი პასუხისმგებლობისა და პიროვნული სიმამაცის გამოვლენისათვის (სიკვდილის შემდეგ)დააჯილდოვა და ოთხოზორიას ოჯახს სახელმწიფო ჯილდო, მედალი ,,სამოქალაქო თავდადებისათვის”, პირადად გადასცა.
,,დღეს გიგა ოთხოზორიას დედისაგან მოვისმინეთ არაჩვეულებრივი, საშობაო, შერიგების სიტყვა, რომელიც შეიძლება, მხოლოდ შვილმკვდარმა დედამ თქვას და ახსენოს ჩვენი ერთობა.
ჩვენთვის ყველასთვის ყველაზე მნიშვნელოვანია, რომ ჩვენთან იყოს გულგახსნილობა, რომელიც შერიგების და ქვეყნის გამთლიანების საწინდარია”, – აღნიშნა სალომე ზურაბიშვილმა.
სალომე ზურაბიშვილი გიგა ოთხოზორიას ოჯახში შერიგებისა და სამოქალაქო თანასწორობის საკითხებში სახელმწიფო მინისტრ ქეთევან ციხელაშვილთან ერთად იმყოფებოდა.
