“ამ ეტაპის მიზანი მიღწეულია, რომ იუსტიციის საბჭოს მიერ წარმოდგილი სია არ ყოფილიყო განხილული წლის ბოლო კვირას და შეჩერებულიყო საკითხის განხილვა. ეს მიზანი პირველ ეტაპზე მიღწეულია, ჩემი გადაწყვეტილების შედეგად. ამად ღირდა ყველაფერი. ეს იყო ჩემი და ჩემო მეგობრების მიზანი”, – განაცხადა ეკა ბესელიამ.
ბესელიამ განცხადება გუნდურობასთან დაკავშირებითაც გააკეთა და თქვა, რომ ამ პროცესმა არ უნდა შეიწიროს ღირებულებები და ფასეულობები.
“ოთახში ყოფნით და ჩურჩულით ვერ გადაწყდება ისეთი საკითხები, რომლებიც ეხება მოქალაქეებს. ეს საქართველოს პარლამენტია, ხალხის წარმომადგენლობითი ორგანო, სადაც ხალხმა უნდა იცოდეს მისი წარმომადგენელი რა გადაწყვეტილებას იღებს და რატომ”, – განაცხადა ეკა ბესელიამ.
“როდესაც თანამდებობის პირი მიდის პოსტიდან, მან არ უნდა მოატყუოს მოქალაქე და უნდა თქვას წასვლის მიზეზი”, – განაცხადა ეკა ბესელიამ.
