სმაკი-მაია სირაძე ქართველი დიზაინერია. მისი ნამუშევრები არაორდინალური და სხვებისგან გამორჩეულია. ფერადი, მკვეთრი, ხალასი ფერები, თმები და სახეებია ის რაც მის ნამუშევრებს გამოარჩებს ყველასგან. სმაკი Tbe Tbilisi Times ნამუშევრების შემნის იდესა და წარმატების შესახებ ესაუბრა.
მოგვიყევით თქვენზე, როგორ დაიწეთ ნამუშევრების შექმა?
– ბავშვობიდან ვაკეთებდი პატარ-პატარა ნამუშევრებს. ყოველთვის მინდოდა დიზაინერი გავმხდარიყავი. როგორც ყველა ბავშვი თოჯინებისთვის ვაკეთებდი ტანსაცმელს. თუმცა, სხვებისგან განსხვავებით, ცოტა ხანში ჩემთვის დავიწყე ტანსაცმლის შეკერვა. სულ ჩემი ტანსაცმლით დავდიოდი, რა თქმა უნდა, ჰქონდა ზედმეტი და არასწორი ნაკერები. თუმცა მთავარი იყო ის, რომ ყველაფერი ჩემი ხელით გაკეთებული მეცვა. ამის შემდეგ გადავწყვიტე ჩამებარებინა აკადემიაში და ამ ყველფრისთვის უკვე სერიოზული სახე მიმეცა. ეს მინდოდა ყოველთვის და ახლაც ეს მაინტერესებს. ეს იყო ბავშვობის ოცნება-რომელიც ამიხდა.
მოგვიყევით თქვენი წარმატების შესახებ, როგორ გაგიცნოთ ქართველმა მოსახლეობამ?
– აკადემიაში ყოფნის ბოლო წელს გავაკეთე კოლექცია და მოვაწყე ჩვენება. პირველივე ჩვენებამ დიდი მოწონება დაიმსახურა. ყველა ემოციებსა და აღფრთოვანებას გამოხატავდა ჩემი ნამუშევრების მიმართ. რადგან ეს იყო ფერადი, კოსმოსური, ყველაფრისგან განსხვავებული ნამუშევრები. თავად ჩვენებაც არასტანდარტული იყო. სწორედ ეს ნამუშევრები იყო ის, რაც ჩემს ცხოვრებაში ყველაზე მნიშვნელოვან წარმატებად შეიძლება მივიჩნიოთ. ამას მოჰყვა შემდგომი წარმატება. მას შემდეგ მონაწილეობას ვიღებდი საქართველოში გამართულ ყოველ მოდის კვირეულზე. გარდა მოდის კვირეულებისა, გამოფენებს სხვადასხავა გალერეაში ვაკეთებდი. ასევე მონაწილეობას ვიღებდი კონკურსებში და ყოველთვის ვიმარჯვებდი. კოსტიუმების შექმნა აქტიურად დაახლოებით 5-6 წელია რაც დავიწყე.
რამდენად მოთხოვნადია თქვენი ტანსაცმელი?
– ისეთ ნამუშევრებს ვქმნი, ხშირად მგონია, რომ მხოლოდ მე უნდა მომწონდეს. თუმცა ძალიან მოთხოვნადია ყველაფერი რასაც ვქმნი. ძალიან მიკვირს, როდესაც ჩემს შექმნილ ნამუშევრებს კლასიკურ ტანსაცმელზე იცვამენ. ძალიან მიხარია, ხალხის ასეთი სითბო და სიყვარული.
სხვა ქვეყნის მოდის კვირეულბზე თუ იღებთ მონაწილეობას?
– წარმატების მიღწევა, რა თქმა უნდა, ადვილი არაა, განსაკუთრებით მაშინ, როდესაც საქმე მსოფლიოს ქვეყნებს ეხება. თუმცა, ძალიან გამიმართლა და რამდენიმე გამოფენაზე მივიღე მონაწილეობა მსოფლიოს რამდენიმე ქალაქში. გამოფენა მქონდა ლონდონში, მილანში, ბელგიაში, გერმანიაში. საოცარი შეგრძნებაა, როდესაც უამრავ ღირსეულ ნამუშევარს შორის ჩემი ნამუშევრების ჩვენებაც გაიმართა.
როგორ იქმნება სმაკის ნამუშევრები და საიდან მოდის მისი შექმნის იდეა?
– რამდენიმე წლის წინ როდესაც აკადემიაში ვსწავლობდი, ვიყიდე მაიკა, რომელსაც ჰქონდა ლეიკოები. გაშრობის დროს მაიკა დაიწვა და მხოლოდ ლეიკოები გდარჩა. იმდნად მომწონდა, ბევრს ვფიქრობდი, თუ რა გამეკეთებინა გადარჩენილი ნაწილებისგან და პირველად სწორედ მაშინ შევკერე მაიკა, რომელსაც სწორედ ის ლეიკოები მივამაგრე. რომ არა ეს შემთხვევა, არ ვიცი დავიწყებდი თუ არა მსგავსი ნამუშევრების შექმნას. არასდროს არ ვხატავ წინასწარ. უბრალოდ იდეების მიხედვით ვაკეთებ. ძირითადად მზა რაღაცებზე ვმუშაობ. რადგან ნაჭერზე მუშაობა შედარებით მარტივია. ამ დროს კარგად ხვდები, როგორი ქსოვილი და როგორი ფერი უნდა გამოიყენო. არასდროს არ ვინტერესდები დიზაინერების კოლექციებით, არასდროს ვუყურებ როგორია მოდა, ვის როგორი კოლექცია აქვს. ჩემი პატარა სამყარო მაქვს და მთლიანად ჩემს წარმოსახვას და იდეებს მივყვები. სწორედ ამიტომ არ ჰგაქვს ჩემი ნამუშევრები არავისას.
რა მასალას იყენებთ ნამუშევრების შესაქმნელად?
– აკადემია დავამთავრე ტრიკოტაჟის მიმართულებით. ჩემს ნამუშევრებში ძირითადად ნაქსოვები ჭარბობს. ვყიდულობ ან ვაკერინებ მზა ქსოვილებს და შემდეგ ხელით ვაქსოვ და ვამაგრებ რაღაც დეტალებს.
რა არის ის როს გამოც გიყვართ მისი კეთევა?
– ხალხის ასეთი გამოხმაურება. ხალხს რომ ასე მოსწონთ, ეს სტიმულს მაძლევს რომ კიდევ უფრო ახალი და საინტერესო რაღაც გავაკეთო. განსხვავებული ნამუშევრები შევქმა, რომ ხალხის აღფრთოვანება და სიყვარული მივიღო უკან. ეს ყველაფერი დიდ ენერგიას მაძლევს.
რა არის თქვენი ჰობი და როგორ ერთობით თავისუფალ დროს?
– ძალიან მიყვარს ფეხით სიარული, მზე უნდა იყოს აუცილებლად, რადგან მზისგან ვიღებ ხოლმე ენერგიას. ძალიან მიყვარს ელექტრონული მუსიკა. როგორც კი თავისუფალი დრო მაქვს, ყოველთვის მივდივარ ფესტივალებზე. იმ დროს არაფერზე არ ვფიქრობ, მხოლოდ მუსიკაა, და ამ დროს ბოლომდე ვისვენებ.
მიყვარს – თევზი, ლუდი
მიხარია – კარდა ყოფნა,
ვოცნებობ – მოგზაურობაზე
ვგძნობ – ხალხის სიყვარულს და თანადგობას
როგორ მიყვარს – ძალიან
მეშინია – საყვარელი ადამიანების დაკარგვის
არ შემიძლია – ტყული
მრცხვენია – ადამიანების შეწუხების
მწამს – სიყვარულის
ვინახავ – ჩემს პირველ კოლექციას
საქართველოში რომ არ დავბადებულიყავი, დავიბადებოდი – ამერიკაში
ორქოს თევზი რომ მყავდეს ვთხოვდი – ბევრ ფულს მოგზაურობისთვის და გაჭირვებულების დასახმარებლად. წავიდოდი სხვა პლანეტაზე და ვთხოვდი რომ ყველა ჩემი საყვარელი ადამინის ჯანმრთელობას.
როგორია თქვენი სამომავლო გეგმები?
– ჩემი ნამუშევრები ცოტათი შეიცვალა. ადრე თუ ჭრელი, ძალიან ფერადი იყო. ახლა უკვე შედარებით მშვიდი ფერებია. რა თქმა უნდა მათაც ეტყობათ, რომ ჩემია, თუმცა ახალი მიმართულებაა. განწყობ შემეცვალა და შესაბამისად ეს ნამუშევრებზეც აისახა. ახალ ხაზზე ვმუშაობ და ძალიან მინდა პერსონალური გამოფენის გაკეთება.
მარიამ ლეკიაშვილი