Giorgi Samkharadze’s Blog – ასე ჰქვია სივრცეს, რომელიც სოციალურ ქსელებში დიდი პოპულარობით სარგებლობს. მის მიზანს წარმოადგენს, ადამიანებს ჰქონდეთ ინფორმაცია იმის შესახებ, თუ როგორ უნდა შეირჩეს სწორი და არასწორი სამშენებლო მასალა.
ბლოგი სულ რაღაც ერთი წელია, არსებობს. თუმცა, მისი დამფუძნებლის გამოცდილება და საქმიანობა ბევრად დიდ დროს ითვლის. გიორგი სამხარაძე ინჟინერიის დოქტორია, ასევე, ხორვატიისა და შვედეთის საშენ მასალათა უნივერსიტეტის წევრი.
„ბაზარზე შემოვიტანეთ განსხვავებული, სამშენებლო და სარემონტო მომსახურება – აქ იგულისხმება ინოვაციური მომსახურება, არა ტექნიკური მიმართულებით, არამედ, მომსხურების მხრივ გვაქვს განსხვავებული მიდგომა, პლუს ამას, ვიწყებთ გადაცემას, რომელიც იქნება მასშტაბური, discover-ის ტიპის. მათთან ერთად ვიმუშავე, რათა მქონოდა ჩემი საავტორო გადაცემა, რომელსაც ერქმევა „რემონტელი“.
მე ვახდენ საშენი მასალების ლობირებას ქართულ ბაზარზე. სამშენებლო მასალებთან დაკავშირებით, მე რეკომენდაციების სახით ვწერ და მსურველებს უფასო კონსულტაციებს ვუწევ. მაგრამ არის ბევრი ნიუანსი – მათ შორის, სამშენებლო და სარემონტო მასალები, რომლებიც, იქ ცხოვრების პერიოდში, ამცირებს სასიცოცხლო პერიოდს. ბაზარზე ასეთი ბევრი მასალაა. გადაცემის დაწყების უმთავრესი მიზანი სწორედ ეს გახლავთ – მაყურებელსა და მომხმარებელს მივაწოდოთ ინფორმაცია. რომ არის პროდუქტები, სადაც ცხოვრება არ შეიძლება. გარდა ამისა, ვაკეთებთ უამრავ კვლევას ლაბორატორიებში, რათა შეირჩეს ბაზარზე არსებული მასალები“, – ამბობს გიორგი.
როგორც ის აღნიშნავს, შესაბამისი პროექტები საქართველოს სრულად მოიცას, თუმცა, საქმიანობა უფრო აქტიური თბილისსა და მის შემოგარენშია.
„მოვიცავთ მთელს საქართველოს. ჩვენ შეგვისრულებია პროექტები აჭარაში, რაჭაში, თუმცა, ძირითადად, თბილისსა და მის შემოგარენში“.
როგორც გიორგი ჩვენთან საუბრისას ამბობს, ბაზარზე არაეკოლოგიური და ჯანმრთელობისთვის მავნე საშენი მასალებია, რომლებიც ჯანმრთელობისთვის საშიშია.
„ბაზარზე არაეკოლოგიური და ჯანმრთელობისთვის მავნე საშენი მასალებია, რომელთა გამოყენებაც საგრძნობლად მოქმედებს ადამიანების ჯანმრთელობაზე, იწვევს ალერგიასა და სხვა დაავადებებს.
აღსანიშნავია, რომ დამკვეთთან ურთიერთობა და ამ მხრივ მისი ჩართვა უმთავრესია. ხელოსნებთან ურთიერთობა, შეიძლება ითქვას, ყველასთვის პრობლემას წარმოადგენს. დამკვეთს ეს ყველაფერი გავუმარტივეთ – ჩვენთან ურთიერთობა მათთვის წარმოადგენს კომფორტს. მათ არ უწევთ ნერვიულობა. ასევე, მშენებლობა და რემონტი გახდა სასიამოვნო პროცესი“, – ამბობს გიორგი სამხარაძე
აღსანიშნავია, რომ ბრენდის – Giorgi Samkharadze მიერ შესრულებული სამუშაოები ბრიტანულ დიზაინურ პლატფორმაზე მოხვდა.
მასალა მოამზადა : მარიამ ტიელიძემ
