საქართველოს ეროვნულმა უნივერსიტეტმა 3 თებერვალს საერთაშორისო სამეცნიერო სტუდენტურ კონფერენციას უმასპინძლა. კონფერენციაზე მონაწილეობდნენ საქართველოს სხვადასხვა უნივერსიტეტის სტუდენტები.
მისასალმებელი სიტყვა წარმოთქვა საქართველოს ეროვნული უნივერსიტეტის ვიცე-რექტორმა გიორგი ცხვედიანმა, ხოლო საორგანიზაციო საკითხებზე ისაუბრა კონფერენციის საორგანიზაციო საბჭოს თავჯდომარემ ვალერი მოსიაშვილმა.
საერთაშორისო სამეცნიერო კონფერენციაზე სტუდენტებმა ისაუბრეს ისეთ თემებზე როგორიცაა: ეკონომიკა, ბიზნესი და ტურიზმი, საერთაშორისო ურთიერთობები და პოლიტიკა, ფსიქოლოგია და ჰუმანიტარული მეცნიერებები და სამართალი. კონფერენციის ბოლოს მონაწილეებს გადაეცათ სერტიფიკატები.
ნინი ჭრიკიშვილი
