საბანკო სექტორში განთავსებული არასაბანკო დეპოზიტების მოცულობამ 2013 წლის პირველი ოქტომბრისათვის 8.9 მლრდ ლარს გადააჭარბა, რაც 94.5 მლნ ლარით ანუ 1.1 პროცენტით მეტია მიმდინარე წლის პირველი სექტემბრისათვის არსებულ მაჩვენებელზე.
როგორც „თბილისი თაიმსს“ ეროვნული ბანკიდან აცნობე, სექტემბერში, წინა თვესთან შედარებით, ადგილი ჰქონდა მოთხოვნამდე დეპოზიტების ზრდას 72.9 მლნ ლარით ანუ 1.8 პროცენტით და ვადიანი დეპოზიტების ზრდას 21.6 მლნ ლარით ანუ 0.4 პროცენტით.
დეპოზიტების დოლარიზაციის კოეფიციენტმა მიმდინარე წლის პირველი ოქტომბრისათვის 60.41 პროცენტი შეადგინა – 0.34 პროცენტული პუნქტით ნაკლები პირველი სექტემბრის მდგომარეობასთან შედარებით.
ვადიან დეპოზიტებზე საშუალო წლიურმა შეწონილმა საპროცენტო განაკვეთმა 6.1 პროცენტი შეადგენა, მათ შორის ეროვნული ვალუტით განთავსებულ დეპოზიტებზე – 8.3 პროცენტი, ხოლო უცხოური ვალუტით განთავსებულ დეპოზიტებზე – 5.3 პროცენტი.
უცხოური ვალუტით განთავსებულ დეპოზიტებში აშშ დოლარის წილმა 80.4 პროცენტი, ხოლო ევროს წილმა 17.1 პროცენტი შეადგინა.
25.10.13
