რას გულისხმობს თეატრის სცენაზე თამბაქოს გამოყენების აკრძალვა ან დაშვება, რამნიშვნელობისაა ეს მოცემულობა და არის თუ არაალტერნატივა – ცხადია, ალტერნატივა არის. სხვასაკითხია, ვის ინტერესებში შედის თამბაქოსმოხმარების მაქსიმალური პოპულარიზაცია.
საინტერესოა, აქვს თუ არა არჩევანი ადამიანს, როცა ის თეატრის სცენაზე დგას? ყოველთვის ითვალისწინებს სცენარი თამბაქოს გამოყენებას?
ამის შესახებ “თბილისი თაიმსს” თამბაქოს კონტროლის ალიანსის თავმჯდომარე, გიორგი ბახტურიძე ესაუბრა.
“როდესაც ამ ცვლილებებზე ვმუშაობდით, 2017 წელს, თეატრებში, მთელს შენონებში მოწევა იყო აკრძალული. თუმცა, რამდენიმე რეჟისორის ახირებაიყო, რომ სცენაზე მაინც მოეხმარათ თამბაქო. მთავარი აქ გახლადათ შემდეგი – რატომ ლობირებდნენ თამბაქოს მოხმარებას ასე თავგამოდებით. მაგალითის სახით გეტყვით, ზოგიერთი სახელმწიფო თეატრი გარკვეულ თანხებს იღებდა თამბაქოს ინდუსტრიისგან. მიუხედავად იმისა, იყო თუ არა სცენარში საჭირო, ყველგან იყო ჩასმული მოწევის სცენა. ამაში თამბაქოს ინდუსტრია იხდიდა ფულს, რათა პოპულარული ყოფილიყო მოწევა. განსაკუთრებით, ახალგაზრდებში. იქედან გამომდინარე, რომ რეკლამის, სპონსორობისა და პოპულარიზაციის, ფაქტობრივად, ყველა სახე აიკრძალა 2018 წელს, მათ ეს ფორმა მოიფიქრეს. არ არის გამორიცხული, რომ თამბაქოს ინდუსტრიის ფინანსური ინტერესების გამტარებლები იყვნენ ეს ადამიანები თავის დროზე”, – განმარტავს ბახტურიძე.
როგორც რესპონდენტი აღნიშნავს, თამბაქოს კონტროლის ალიანსის მხრიდან კრიტიკა იყო საკმაოდ მწვავე.
“ჩვენ გვქონდა საკმაოდ მკვეთრი კრიტიკა. მიუხედავად ამისა, პარლამენტმა ეს გამონაკლისი დაუშვა – სახელმწიფო თეატრების სცენაზე, თუკი რეჟისორული ჩანაფიქრი იყო, მოწევის დემონსტრირება.
ჩვენი ალტერნატივა გახლდათ – და ასეა ბევრ ქვეყანაში – თუ ფაქტია საჩვენებელი და აუცილებელია სცენარში თამბაქოს მოხმარება, თუთუნის ნაცვლად, იმიტატორის გამოყენება მომხდარიყო.
ახლაც შესაძლებელია მიგნება, რომ თამბაქოს ინდუსტრია ფინანსურად უკანონოდ ეხმარება თეატრებს, რომლებიც სახელმწიფოსგან ფინანსდებიან.
ახლაც გვაქვს დღის წესრიგში. არის გარკვეული ცვლილებების მოლოდინი და ვნახოთ, რა იქნება”, – ამბობს გიორგი ბახტურიძე “თბილისი თაიმსთან” საუბრისას.
