სახანძრო სამაშველო ძალების ოფიცერი კობა კურტანიძე, რომელიც 3 აგვისტოს შემდეგ, შოვში სტიქიის ზონაში მუშაობს, „ქრონიკასთან” საუბრისას ტრაგედიის დღეებს და დეტალებს იხსენებს.
„ყველაზე მძიმე სიტუაცია იყო, როდესაც 9 წლის ბავშვი ამოვიყვანეთ და მამა ელოდებოდა გარდაცვლილ მესამე შვილს.
როდესაც გარდაცვლილი ბავშვი ვიპოვეთ, იმდენად ემოციური იყო ჩემთვის, რომ ვტიროდი… თვალზე ცრემლი მომადგა და ძალიან ემოციურად გადავიტანე ეს ყველაფერი.
მაგრამ ვაანალიზებთ, რომ ჩვენ ვჭირდებით გარდაცვლილების ოჯახს და ნათესავებს, ცრემლიანი თვალებით გველოდებიან, რომ მიცვალებული მაინც ჩავაბაროთ.”, – საუბრობს მაშველი.
