საქართველოში მალე ცხელი ტურისტული სეზონი გაიხსნება, ”თბილისი თაიმსი” კი შეეცადა გაერკვია თუ რომელი კურორტებია ზაფხულში მოთხოვნადი და რა დაუჯდებათ ესა თუ ის ტური დასვენების მსურველებს.
გამოიკითხა ბაზარზე არსებული 7 ტურისტული კომპანია. გამოკითხვამ აჩვენა, რომ როგორც შარშან, ასევე წელს პოპულარულია თურქეთის, ეგვიპტისა და დუბაის ტურები, რაც შეეხება შიდა ტურებს, პოპულარობას არ კარგავს კახეთის, იმერეთისა და აჭარის ტურები. ტურისტული კომპანიები ტურისტების ნაკადს ძირითადად ყოფილი საბჭოთა კავშირის ქვეყნებიდან ელოდებიან, რაც შეეხება უკრაინას, გამოკითხული 4კომპანია აცხადებს, რომ უკრაინაში განვითარებული მოვლენების მიუხედავად უკრაინელი ტურისტების რიცხვი არ შემცირდება, შესაბამისად 3 კომპანიის ვარაუდით უკაინელი ტურისტების ნაკადმა შესაძლოა იკლოს.
ბლიც-გამოკითხვის შედეგები კი ასე გამოიყურება:
მოგზაურთა კლუბი: ” საქართველოს კურორტებზე ტურისტული სეზონი პირველი ივნისიდან გაიხსნება, როგორც ქართველებში ასევე უცხოელებში ყველაზე პოპულარული ტურებია – კახეთის, იმერეთისა და აჭარის. ქართველების მხრიდან კი ყველაზე მოთხოვნადია – თურქეთის ეგვიპტისა და დუბაის ტურები. შიდა ტურების მინიმალური ფასი ერთ ადამიანზე არის – 100$, რაც შეეხება გარე ტურებს, თურქეთის მიმართულებით 10 დღიანი ტურის მინიმალური ღირებულება ერთ ადამიანზე არის 1200$. ჩვენი სააგენტოს მომსახურებაში შედის ტურების დაგეგმვა, სასტუმროს დაჯავშნა, ტრაანსპორტირება, კვების უზრუნველყოფა, გიდის მომსახურება და ასევე ექსტრემალური ტურების დაგეგმვა. წელს ტურისტების ნაკადს ძირითადად პოსტსაბჭოთა ქვეყნებიდან ველოდებით, წინა წელს ძირითადად უკრაინელი ტურისტები ჭარბობდნენ, წელს კი ვვარაუდობთ, რომ მიმდინარე მოვლენების გამო მათი რიცხვი შემცირდება. გასულ წელს საზაფხულო ტურიზმი ძალიან აქტუალური იყო და წელსაც იგივე მოლოდინები გვაქვს.”
GO TOUR: „კომპანია ,,GO TOUR’’-ი მომხმარებელს სთავაზობს ტურებს, როგორც მსოფლიოს გარშემო, ასევე საქართველოს სხვადასხვა რეგიონში. ჩვენი ძირითადი საქმიანობაა: ქვეყნის შიდა და გარე ტურები, კონფერენციებისა და ღონისძიებების ორგანიზება, სასტუმროებისა და საოჯახო სასტუმროების დაჯავშნა, ავტოტრანსპორტით მომსახურება, ავია და რკინიგზის ბილეთების დაჯავშნა და სხვა მრავალი ტურისტული მომსახურება. შიდა ტურებში მოთხოვნადია ძირითადად – თბილისი-მცხეთა, ბოდბე-სიღნაღი, ყაზბეგი-ანანური, გორი-უფლისციხე, ვარძია-რაბათი, ერთ ან ორ დღიანზე. რაც შეეხება გაყვანას საზღვარგარეთ, აქ ძირითადად მომხმარებელი ითხოვს საზღვაო ტურებს – თურქეთი, ეგვიპტე, ასევე მოთხოვნადია იტალია და საფრანგეთი. ტურისტები გვყვავს ძირითადად – ყაზახეთიდან, უკრაინიდან და ისრაელიდან. ფასები იწყება ერთ ადამიანზე 350 დოლარიდან (სრული პაკეტი, ეგვიპტე-თურქეთი). ვფიქრობ უკრაინაში მიმდინარე მოვლენები ჩვენთან ტურისტების ნაკადის შემოსვლას არ შეამცირებს.“
იტა ჯორჯია: ”საქართველოში ტურისტული სეზონი 15 მაისიდან გაიხსნება, შიდა ტურებიდან ყველაზე მოთხოვნადია – ბათუმის, ბორჯომისა და ანაკლიის ტურები, პოპულარულია ასევე ღვინის ტურები, როგორც ადგილობრივებში ასევე უცხოელებში. გარე ტურებიდან კი – თურქეთის, ეგვიპტისა და დუბაის ტურები. ფასები დამოკიდებულია სასტუმროსა და ავია ბილეთის ღირებულებაზე. წელს საქართველოში ტურისტულ ნაკადს ველოდებით ძირითადად რუსეთიდან, სომხეთიდან, აზერბაიჯანიდან და უკრაინიდან, ვფიქრობთ მიმდინარე მოვლენები ხელს არ შეუშლის უკრაინელი ტურისტების შემოსვლას. შარშან ძალიან აქტუალური იყო ზაფხულის ტურები და წელსაც იგივე მოლოდინი გვაქვს.”
Lucky way : “ტურისტული სეზონი მაისის შუა რიცხვებიდან გაიხსნება, საქართველოში ყველაზე მეტად მოთხოვნადია – კახეთის, იმერეთის, სამცხესა და აჭარის. ტურებს ითხოვენ როგორც ქართველი ასევე უცხოელი ტურისტები, ქართველებში კი ყველაზე პოპულარული საფრანგეთის, ესპანეთისა და იტალიის კურორტებია. შიდა ტურებზე ერთი დღის მინიმალური ფასი ერთ ადამიანზე არის 35 ლარი, ხოლო გარე ტურებზე 200 $, ფასი იზრდება სასტუმროსა და დამატებითი მომსახურებების მიხედვით. ჩვენს მოსმახურებაში შედის სასტუმროს დაჯავშნა, კვება, გიდის მოსმახურება, ტრანსპორტირება. წელს ტურისტების ნაკადს ველოდებით ყოფილი საბჭოთა კავშირის ქვეყნებიდან, შარშან უკრაინელი ტურისტების რიცხვი ძალიან დიდი იყო, წელს კი ალბათ შემცირდება. წელს ტურისტულ სეზონთან დაკავშირებით დიდი მოლოდინები გვაქვს, შარშანდელთან შედარებით უფრო მეტ ტურისტს ველოდებით.”
როიალ ჰოლიდეი: ” საქართველოში ტურისტული სეზონი მაისის შუა რიცხვებიდან გაიხსნება, ჩვენი კომპანია მხოლოდ შიდა ტურებზე მუშაობს, ყველაზე მოთხოვნადი კი კახეთის იმერეთისა და აჭარის კურორტებია, ტურის მინიმალური ღირებულება ერთ ადამიანზე არის 100$, ჩვენ მომხმარებლებს ვთავაზობთ სასტუმროს, კვებას, ტრანსპორტირებას, გიდისა და დამათებით სხვა მომსახურებებსას მოთხოვნის მიხედვით, ფასიც მოთხოვნის შესაბამისად იზრდება. ტურისტულ ნაკადს კი ძირითადად უკრაინიდან ველოდებით, ვფიქრობთ მიმდინარე მოვლენების გამო უკრიანელი ტურისტების რიცხვი უფრო გაიზრდება რადგანაც ყველა ცდილობს ქვეყნიდან გასვლას. „როიალ ჰოლიდეი“ ახალი კომპანიაა ბაზარზე, ამიტომაც შარშანდელთან შედარებით, წელს უფრო ველოდებით ტურისტების გააქტიურებას.”
კალიფსო თრეველი: ” საქართველოში ტურისტული სეზონი ივნისის შუა რიცხვებიდან დაიწყება, ყველაზე მოთხოვნადი კი შავი ზღვისპირა კურორტები და კახეთის ტურებია, რაც შეეხება გარე ტურებს აქტუალურობას არ კარგავს ეგვიპტე, თურქეთი, ემირატები და მალდივის კუნძულები. გარე ტურებზე ფასები 200$-დან იწყება ერთ ადამიანზე და დამოკიდებულია სასტუმროსა და სხვა სახის მომსახურებაზე. ტურისტების ნაკადს კი ველოდებით ძირითადად რუსეთიდან, აზერბაიჯანიდან და სომხეთიდან. უკრაინაში მიმდინარე მოვლენების გამო უკრაინელი ტურისტების რიცხვმა იკლო. შარშან ზაფხულის ტურები ძალიან პოპულარული იყო და წელსაც იგივე მოლოდინები გვაქვს.
გუდ თრეველი: ”ჩვენ უკვე ხშირი ტემპებით ვყიდით საზაფხულო ტურებს, გარე ტურებიდან ყველაზე მოთოვნადია ეგვიპტე, ისრაელი, თურქეთი, კაბადოკია, შიდა ტურებიდან კი – საირმე და კახეთის ღვინის ტურები. მინიმალური ფასი გარე ტურზე ერთი ადამიანისთვის არის 400$, მომსახურებაში შედის სასტუმრო, კვება, ტრანსპორტირება და გიდის მომსახურება. საქართველოში ტურისტულ ნაკადს ძირითადად ველოდებით აზერბაიჯანიდან, სომხეთიდან, რუსეთიდან და ბელორუსიიდან. შარშანდელი საზაფხულო ტურისტული სეზონი ძალიან პოპულარული იყო და წელსაც იგივეს ველოდებით.“
”თბილისი თაიმსი” დაუკავშირდა კომპანია ”ინტერკონტინენტალს”, თუმცა კომპანიის წარმომადგენლებმა ჩვენს კითხვებზე პასუხის გაცემისგან თავის შეიკავეს.
07.05.14
ნინა პირტახია
