დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, მიმდინარეობს მსჯელობა იმასთან დაკავშირებით, იქნება თუ არა რაიმე დამატებითი შეზღუდვები აღდგომის დღესასწაულებზე. მისივე თქმით, დაავადებათა კონტროლის ეროვნულ ცენტრს აქვს თავისი რეკომენდაციები.
„იქნება შეხვედრები და საუბარი საპატრიარქოსთან, რათა როგორც შარშან, წელსაც მივიდეთ საერთო გადაწყვეტილებამდე და აღდგომამ – ჩვენი ქვეყნისთვის ყველაზე დიდმა დღესასწაულმა, ჩაიაროს ისე, როგორც ჩვენ გვეკადრება და მოსახლეობას სჭირდება. მეორე მხრივ, დაცული უნდა იყოს ის ეპიდსაწინააღმდეგო ღონისძიებები, რომ ეპიდემიის გავრცელების დამატებითი სტიმული არ გახდეს. ვფიქრობთ, რომ ისეთ შეთანხმებამდე მივალთ, რომ ზომიერ ფარგლებში ვიდღესასწაულოთ და დავიცვათ ეპიდსაწინააღმდეგო ღონისძიებებიც“, – განაცხადა გამყრელიძემ.
