ამ წუთებში საქართველოს პრემიერ-მინისტრი ირაკლი ღარიბაშვილი სომხეთის პრეზიდენტ სერჟ სარგსიანს და სომხეთის დელეგაციის წარმომადგენლებს ხვდება. ქართული მხრიდან შეხვედრაში მონაწილეობენ მინისტრები მაია ფანჯიკიძე, გურამ ოდიშარია, გიორგი კვირიკაშვილი და კოტე სურგულაძე. სამუშაო საუზმე “თბილისი მარიოტში” მიმდინარეობს. შეხვედრის შემდეგ ქვეყნებს შორის ორ ხელშეკრულებას მოეწერება ხელი. კერძოდ, ეს არის ხელშეკრულება საქართველოსა და სომხეთს შორის ტურიზმის სფეროში თანამშრომლობის შესახებ და საიდუმლო ინფორმაციის გაცვლისა და დაცვის შესახებ. ხელშეკრულებებს ხელს ორი ქვეყნის საგარეო საქმეთა მინისტრები მოაწერენ. 19.06.14
