თბილისის სახელმწიფო უნივერსიტეტი ორმაგი აქციების ტალღისთვის ემზადება. რამდენიმე წუთის წინ დაანონსდა, რომ სტუდენტური თვითმმართველობა უნიევრსიტეტის წინა ეზოში აქციას გამართავს სლოგანით, – ,,სტუდენტები თვითმმართველობისთვის!’
,,აქციას შეუერთდებიან თბილისში არსებული სახელმწიფო და კერძო უმაღლესი სასწავლებლების სტუდენტები, რომლებიც გააპროტესტებენ მიზანმიმართულ ანტიპიარსა და დისკრიმინაციას სტუდენტური თვითმმართველობების მიმართ.” – ამბობენ სტუდენტური თვითმმართველობის წევრები.
მთელი დღის განმავლობაში დაგეგმილია სხვადასხვა აქცია-პერფორმანსი.
როგორც სტუდენტები ამბობენ, ისინი 11:30-დან დაიწყებენ მოსვლას და შეკრებას აქციის სახე 12:00 საათიდან მიეცემა.
სტუდენტების მეორე ნაწილი ,,აუდიტორია #115″ კი უნივერსიტეტის შიდაეზოში 13:00 საათიდან აპირებს საპროტესტო ტალღის დაწყებას. სტუდენტების ორივე ჯგუფს ეტაპობრივად ემატება მხარდამჭერთა რაოდენობა. უნივერსიტეტში კვლავ რჩება რამდენიმე ათეული სტუდენტი, რომელიც, უკვე რამდენიმე დღეა, ღამეს საუნივერსიტეტო სივრცეში ათევს. მობილიზებულია თსუ-ის დაცვა და პოლიცია.
ნატალია ჯალაღონია