განათლების სამინსიტრო და საქართველოს სტატისტიკის ეროვნულოი სამსახური ერთობლივ პროექტზე მუშაობენ, რომელშიც სტუდენტები დასაქმდებიან. პროექტი საქართველოს მოსახლეობის მაშტაბურ აღწერას ითვალისწინებს. აღნიშნულ პროექტში რეკომენდაცია გაეწევა მაღალი მოსწრების მქონე 1680 სტუდენტს, სულ პროექტში დასაქმება კონკურსის გავლის წესით 10 ათასს ადამიანს შეეძლება.
პროექტის ირგვლის მუსირებს აზრი, რომ ის ჰგავს წინა მთავრობის მიერ შემუშავებულ პროექტს Summer job, ადასტურებენ თუ არა ამ მოსაზრებას პროექტის მესვეურები, რამდენად გაამართლებს ის მოლოდინებს, რა ანაზღაურებას მიიღებენ სტუდენტები გაწეული სამუშაოსთვის, ამ და სხვა თემებზე ”თბილისი თაიმსს” განათლების მინისტრის მრჩეველი ოთარ აბესაძე ესაუბრა.
თუ შეიძლება რომ გაგვაცნოთ პროექტის არსი, როგორ შეირჩევიან სტუდენტები დასაქმების პროგრამისთვის და რამდენ სტუდენტს აქვს შესაძლებლობა დასაქმდეს საყოველთაო აღწერის პროგრამაში?
საქსტატთან გაფორმდა მემორანდუმი იმის გამო, რომ წაგვეხალისებინა მაღალი მოსწრებისა და მაღალი შეფასების მქონე სტუდენტები, სტუდენტთა შერჩევას მთლიანად უნივერსიტეტები ახორციელებენ. პროექტში ჩართულია თბილისსა თუ რეგიონებში არსებული ყველა უნივერსიტეტი, სტუდენტთა შერჩევას პროექტისთვის ახდენენ ფაკულტეტები GPA-ს მიხედვით, შემდეგ მონაცემებს გადმოგვცემენ განათლების სამინისტროს, რის შემდეგაც პირდაპირი წესით მოხდება სტუდენტთა დასაქმება ამ პროექტში. სულ რეკომენდაცია გაეწია 1680 სტუდენტს, ამ რიცხვში თბილისის უნივერსიტეტების სტუდენტების გარდა შედის ბათუმის, გორის, თელავის, ახალციხის ქუთაისისა და ზუგდიდისა უნივერსიტეტების სტუდენტები. ნებისმიერი სტუდენდი, რომელიც ვერ მოხვდა შერჩეულთა შორის, მას შეუძლია პირდაპირი წესით რეგისტრაცია გაიაროს საიტზე hr.gov.ge, სულ საბოლოო ჯამში უნდა დასაქმდეს 10 ათასზე მეტი ადამიანი, აქედან განათლების სამინსიტრომ რეკომენდაცია გაუწია 1680 სტუდენტს. საიტზე რეგისტრაცია დაიწყება აგვისტოს ბოლო რიცხვებისთვის.
როდიდან იწყება პროექტი და რა სახის სამუშაო ექნება შესასრულებელი სტუდებტს? თუ მოახერხებენ ისინი სწავლას შეუთავსონ სამუშაო? რა ანაზღაურებას მიიღებენ ისინი?
პროექტი დაიწყება 5 ნოემბერს და გაგრძელდება 19 ნომემბრის ჩათვლით, მსტუდენტებმა ამ დროის განავლობაში უნდა იმუშაონ სრული დატვირთვით, 10-დან 6 საათამდე და ეს გაცდენები უნივერსიტეტში საპატიოდ ჩაითვლება. სტუდენტებმა თავიანთ ზონებში უდნა განახორციელონ მოსახლეობის აღწერა, ანაზღაურება იქნება 400-დან 500 ლარამდე,
თუ ჩაუტარდებათ შერჩეულ სტუდენტებს წინასწარი სწავლება?
შერჩეულ სტუდენტებს, რა თქმა უნდა, ჩაუტარდებათ წინასწარი სწავლება, საქსტატი მთლიანად უზრუნველყოფს მათ სატრენინგო მომსახურებას, რომ კვალიფიციური ცოდნით შევინენ ოჯახებში აღსაწერად.
თქვენს მიერ შემუშავებულ პროექტსა და summer jobs შორის ხშირად ავლებენ პარალელებს, რით განსხვავდება ან პირიქით რა მსგავსებაა ამ ორ პროექტს შორის?
Summer job იყო აბსოლიტურად არაფრის მომცემი და სრულიად პოპულისტური, წინასაარჩევნოდ დაგეგმილი პროექტი. განათლების სამინისტროსა და საქსტატის მოსახლეობის აღწერის ერთობლივი პროექტი კი არის სახელმწიფოსთვის ძალიან მნიშვნელოვანი და სტრატეგიული დოკუმენტის მომზადებაში სტუდენტების ჩართვა. არანაირი მსგავსება ამ ორ პროექტს შორის არ არის, ეს ორი უკანასკნელი მთლიანად განსხვავდება ერთმანეთისგან.
Summer job-თან დაკავშირებით მუსირებდა აზრი, რომ ის იყო წინასაარჩევნოდ გამართული პოპულისტური რეკლამა, თქვენი აზრით ხომ არ არის მოსალოდნელი იგივე აზრი ჩამოყალიბდეს საზოგადოებაში საყოველთაო აღწერის პროექტზე?
Summer job-ზე სტუდენტების 80%-ს კუთვნილი სამუშაო არ შეუსრულებია ისე აიღო ანაზღაურება, მოსახლეობის აღწერა ტარდება 15 წელში ერთხელ, ამ პროექტში სტუდენტები შესრულებული სამუშაოს კეთილსინდისიერად შესრულებისთვის მიიღებენ გასამჯელოს, ამიტომ საზოგადოებაში აზრის ჩამოყალიბება, რომ ეს პროექტი არის პოპულისტური სრულიად დაუშვებელი და შეუძლებელია. კიდევ ერთხელ ვიმეორებ, Summer job იყო წინა მთავრობის მიერ შემუშავებული ერთჯერადი წინასაარჩევნო აქცია
სტუდენტთა დასაქმება საყოველთაო აღწერის პროგრამაში ერთჯერადი პროექტია თუ კიდევ იგეგმება რაიმე სახის დასაქმება სტუდენტთათვის?
რამდენიმე ინიციატივა არის სტუდენტთა დასაქმების შესახებ, ამ ეტაპაზე მიმდინარეობს სტუდენტთა სტაჟირებები სხვადსხვა უწყებებში, რომელიც მომავალშიც გაგრძელდება, იგეგმება კიდევ რამდენიმე პროექტი, რომლის ვადები და არსი ჯერ კიდევ ბოლომდე არ არის ჩამოყალიბებული. სიახლეებს განათლების სამინისტრო საზოგადეობას პროექტის ჩამოყალიბებისთანავე მიაწვდის.
29.07.14
ნინა პირტახია
