ბოლო პერიოდში სასულიერო პირების მისამართით ხშირად ისმის უარყოფითი განცხადებები. დავითა-ლაზარე ძოძუაშვილი ,,ფეისბუკზე“ შემდეგი შინაარსის ტექსტს აქვეყნებს:
,,არასდროს არ დამავიწყდება, მეგობარმა დამირეკა ბავშვი რეანიმაციაში მყავს ცუდადაა და მინდა მოვნათლოო, მაშინ 7 გზის ზეთისცხება იყო, ჩამოვიარე ოთხ ტაძარში და ავუხსენი მამაოებს პრობლემა, ყველასგან მივიღე უარი, იმის გამო, რომ დაღლილები იყვნენ, ბოლოს, გლდანში წმინდა გიორგის სახელობის ტაძრის წინამძღვარს, მამა გიორგის მივადექი, მიშველე მამაო-მეთქი, 30 ლარის მეტი არ მაქვსთქო ვუთხარი, მან მითხრა სხვა ნათლიაც ხომ იქნებაო? ხო და იმანაც გაამზადოს 30 ლარიო, ჰკითხე შენ მოძღვარსო თუ ასე არ არისო, ფეხი სტკიოდა, მახსოვს, მარჯვენა, ჰო და ჩემი მოძღვრის დამსახურებაა მარცხენაც რომ არ მოტყდა. წავედი თემქაზე, ბავშვთა საავადმყოფოს პირდაპირ, კორპუსის პირველ სართულზე არის ტაძარი, სადაც მოღვაწეობს ვინმე მამა შოთა, ვერელი, რომელიც არ მახვდა ტაძარში, მაგრამ როდესაც გაიგო ეს ამბავი ვერიდან თემქაზე წამოვიდა ჯვარიც მოგვცა, სანთლებიც და არც ფული გამოგვართვამ ეს იყო 5 წლის წინ. ბავშვი, დიდი კაცია უკვე.
მორალი: მხოლოდ ერთეულებს შეუძლიათ, ღმერთს დააახლოვონ ადამიანი.“
აღნიშნულ ტაძარში დეკანოზი შოთა ნიქაბაძე ამ დრომდე მოღვაწეობს. სამლოცველო კორპუსშია. აქ წლების წინ საქართველოს კათოლიკოს-პატრიარქი, ილია მეორე ცხოვრობდა. მისი აღსაყდრების შემდეგ სახლის ტაძრის დანიშნულებით გამოყენება გადაწყდა მამა შოთას 7 მცირეწლოვანი შვილი ჰყავს.
