ძველი ღვთაება – სახლთანგელოზი ქართველთა სარწმუნოებას დღევანდლამდე შემორჩა და მძლავრი ქრისტიანული რელიგიის ზეგავლეის მიუხედავად, არათუ დაიკარგა, არამედ შეერწა მას, დღევანდელ მდგომარეობაშიც დაიკავა ადგილი.
სახლთანგელოზის საქმეა ოჯახის დაცვა და პატრონობა – ოჯახის წევრთა ჯანმრთელობასა და კეთილდღეობაზე, საქონლის გამრავლებაზე, ჭირნახულის სიუხვეზე, სახნავ-სათესის ბარაქასა და ზოგჯერ შვილიერების მინიჭების ზრუნვაზე.
როგორც წესი, ყველა ოჯახს ჰყავს თავისი მფარველი ანგელოზი, თუ ოჯახი სხვაგან გადავა ან გაიყრება, თავისი ანგელოზი უნდა გადააბრძანოს. ახალ სამოსახლოში მფარველი ანგელოზის გადაყვანა სხვადასხვა კუთხეში სხვადასხვაგვარად ხორციელდება. მაგალითად, ფშავში, უნდა გამოაცხონ რვა ქადა და ჩამოქნან რვა სანთელი. ოთხი ქადა და ოთხი სანთელი ძველ ბინაში რჩება, დანარჩენი ახალში მიაქვთ.
სახლთანგელოზობისთვის დაწესებული იყო საგანგენო დღეობა – სახლთანგელოზობა.
სახლთანგელოზობა გაზაფხულზე იმართება და საგაზაფხულო დღეობებს განეკუთვნება. ამ სახის დღეობები კი ბუნების ძალზა აღორძნების, სიუხვე-ბარაქიანობის, მიწის ნაყოფიერებისა და ადამიანთა კთილდღეობისთვისაა გამიზნული.
მასალა მოამზადა: თორნიკე ყრუაშვილმა
