იუმორისტულ გადაცემაში „The ვანოს შოუ“, წამყვანმა ვანო ჯავახიშვილმა, გადაცემის ფორმატიდან გამომდინარე, იუმორით, ირონიითა და სარკაზმით ისაუბრა ქვეყანაში მიმდინარე პროცესებზე. შესავალ ნაწილში, სადაც წამყვანი მაყურებელს ელაპარაკება, საუბრის თემა გახლდათ „ქართული ოცნება“, მოქმედი მთავრობა და ბიძინა ივანიშვილი. საინტერესო გახლავთ აქცენტები, რომელსაც იუმორისტული ხასიათი აქვს. The Tbilisi Times აღნიშნულ ტექსტს წამყვანის გარეშე, ბეჭდური სახით გთავაზობთ, სადაც შესაძლებელია მკითხველმა ტექსტი განსხვავებული აქცენტებით აღიქვას.
ვანო ჯავახიშვილი:
- „ჟურნალისტთა ორგანიზაციამ, რომელშიც გაერთიანებულია 370 ცნობილი ჟურნალისტი სხვადასხვა ქვეყნიდან, ჩაატარა გამოძიება და აღმოჩნდა, რომ ივანიშვილმა კოლოსარულ თანხებად შეფასებული კონკრეტული კომპანია თავის დეკლარაციაში არ აჩვენა. ოცნების დეპუტატმა მანანა კობახიძემ, რა თქმა უნდა, დაიცვა ბიძინა ივანიშვილი და თქვა, რომ გამოძიებას არ ენდობა. არ ენდობით რა, ქალბატონო მანანა, კავკასიის ყოფილი ჟურნალისტი ელისაშვილი კი არ იძიებს საქმეს. მოკლედ, მანანა კობახიძეს ისე უნდა საარჩევნო სიაში მოხვედრა, რომ დასჭირდეს ჟურნალისტებს კი არა, ობამასაც დაგმობს და ბრიტანეთის დედოფალზე იტყვის ნაციონალიაო, ყველაფერს იტყვის, ყველაფერზეა წამსვლელი.
- კობახიძემ კიდევ ერთი საინტერესო რამ თქვა, მანანა კობახიძე: „ერთი რამ ვიცი, რომ ბიძინა ივანიშვილი თავისი საქმიანობით, პრემიერობამდე და მის შემდეგაც ძალიან ბევრს აკეთებს ამ ქვეყნისთვის და კარგი იქნებოდა ბევრი ბიძინა ივანიშვილი რომ გვყავდეს“. ნუ ნერვიულობთ ქალბატონო მანანა, საარჩევნოდ კიდევ ბევრ ბიძინას გამოგვიჩენს ერთმორწმუნე მეზობელი.
- გარდამავალი თასის მფლობელმა თამაზ მეჭიაურმა ივანიშვილი ჩვეული სიბრძნით „გააპრავა“. ეგრე მეც შეიძლება გამომრჩეს რამე დეკლარაციაშიო. ბატონო თამაზ დეკლარაციაში, რომ მილიარდები გამოგრჩებათ ეს იგივეა, რომ ქალი აიყვანო სასტუმროში მთელი ღამით და “სექსი გამოგრჩეს”. მეჭიაურმა ოპოზიციასაც უსაყვედურა, რომ შეჭამეთ გული ბიძინას კურსელიაო, მე რითი დამეხმარა ბიძინაო. ეს არის უმადურობა ბატონო თამაზა! ამდენ სისულელეს, რომ იტყვი და კიდევ პარლამენტარი ხარ, მეტი დახმარება რა გინდა? არ მიყვარს მე დაუნახავი ხალხი.
- მთავრობას წინასარჩევნოდ საქართველოში ჩამოჰყავს მსოფლიო ვარსკვლავები და ამ ყვლაფერში ბიუჯეტიდან იხდის 29 მილიონ ლარს. ანუ ეს მომღერლები ჩვენი ფულით ჩამოგვყავს და ბილეთებიც ჩვენივე ფულით უნდა ვიყიდოთ. მთავრობა უბრალოდ ორგანიზებას გვიკეთებს. რა გვეკონცერტება, ლამისაა ჯექსონის კონცერტს დავესწროთ იმ ქვეყნად.
- გავრცელდა ინფორმაცია, რომ თბილისის მერიამ 174 მილიონი ლიტრი საწვავი დახარჯა, თუმცა არ არის ბევრი, ნახევარი ალბათ თბილისის ქუჩების არ ცოდნაში დახარჯეს. ეს ნარმანიაც მაკვირვებს,მაგისი გაკეთებული საქმე არავის უნახავს და ტაქსაობს თუ რაში ხარჯავს ამ ფულს?
- ამასობაში კი საქართველოს საგარეო ვალი 15 მილიარდამდე ავიდა და ამ ვალის გადახდა, რა თქმა უნდა, ჩვენ და ჩვენს შვილებს მოგვიწევს. მაგიტომაცაა საქართველოში დაბადებული ჩვილი, რომ ტირის, უკვე ხვდება რამხელა უღელი აწევს კისერზე. უკვე იმდენი ვალი გვაქვს ჯობს დავტოვოთ ქვეყანა და მოვტყდეთ. ლომბარდშიც ასე არ აკეთებენ ხოლმე?
- კოალიცია ქართული ოცნება აგრძელებს დაშლას, მათ ჯერ დემოკრატები გამოეცალნენ, მერე რესპუბლიკელები, ახლა ეროვნული ფორუმი, მოკლედ კოალიცია ქართული ოცნება „ტუალეტობანას“ თამაშს მაგონებს. როგორაა ერთმანეთზე მიყუდებული მეჭიაური და ჯაჭვლიანი და აცლიან ქვემოდან? ახლა ველოდებით ესენი როდის ჩამოიშლებიან.
- ამბობენ ივანიშვილმა კოალიცია სპეციალურად დაშალაო, მოკლედ ბიძინას მოქმედებები სადღეგრძელოს მაგონებს. ჯერ შეკრების და ერთად ყოფნის სადღეგრძელო იყო, მერე ახლობლების და ნათესავების, მერე კეთილი მეზობლის და ახლა 4ჩ-ს, ჩვენი ჩუმი ჩათლახური ჩანაფიქრის სადღეგრძელო უწევთ. ამის შემდგ ჩვეულებრივ დაშლა-არ მოშლის სადღეგრძელო მოდის.
- ქართული ოცნების „ვულკანმა“ გოგი თოფაძემ, ერთ კვირინი მიძინების შემდეგ, ისევ ამოხეთქა თინა ხიდაშელის თავზე. იმის მაგივრად, რომ რუსეთს მოველაპარაკოთ, დარბის და ნატო ნატოს გაიძახისო. ჩემი აზრით თოფაძემ უნდა გადაინერგოს მეორე თავი, რომ ერთი ერთ მხარეს იყურებოდეს, მეორე მეორე მხარეს, რუსეთის სიმბოლო თუ ხარ ბოლომდე რუსეთის სიმბოლო რომ იყო. თოფაძემ ასევე თქვა,რომ ხიდაშელზე ისეთი მასალები არსებობს გაიქცევა ქვეყნიდანო. თქვენ იკითხეთ ბატონო გოგი, თორემ ქვეყნიდან ვინც გაიქცა ყველა კარგადაა. ჩვენ ისეთი ნიჭიერი ერი ვართ, გიჟიც რომ გაიქცეს სხვა ქვეყანაში, იქ ჭკუას ეკითხებიან.
- პარლამენტში განიხილება ინიციატივა კონსტიტუციაში ოჯახის სტატუსის ჩაწერის შესახებ, რათა არ მოხდეს ერთსქესიანთა ქორწინება. ამ ძალად აგორებულ თემაზე კომენტარი გააკეთა ისევ თამაზ მეჭიაურმა. თამაზ მეჭიაური: “ფატიან კაცებს ისურვებდით თქვენ ოჯახში?“ აი, ეროვნული კაცი. მართალია ბატონო თამაზ, კაცი კაცზე არ უნდა გათხოვდეს. ისევე, როგორც ქვეყანა არ უნდა გათხოვდეს ქვეყანაზე. მითუმეტეს, თუ ის ქვეყანა შენზე ბევრად დიდია. მოკლედ, მთავრობას ფატიანი ხალხი არ უნდა, ხალხს კიდე ბანტიანი მთავრობა.
- ძალიან მინდა ერთი ანდაზა გამოვცადო. მოდით, მეჭიაური და თოფაძე დავაბათ ერთად. მართალია არც ფერს არ იცვლიან და არც ზნეს, მაგრამ ეს ორი კაცი გვყავდეს მაინც დაბმული და წინ გადადგმული ნაბიჯია.
- აი, რომ იძახდით ხალხო, ოკუპანტი 25 კილომეტრშიაო, არაფერიც, ოკუპანტი აქვე ყოფილა ვაკეში, სულ რაღაც 5 კილომეტრში. საქმე ის არის, რომ „ქართუ ბანკმა“ ურეკის და ანაკლიის სანაპიროების შემდეგ განმუხურის სანაპირო ზოლი იყიდა. ბიძინას კიდევ უფრო, რომ გავუმარტივოთ საქმე, ტრაფარეტებზე ქალაქების დასახელებასთან ერთად მივაწეროთ ფასიც. ასეთი ლექსიც შეიძლება ითქვას: ქართლ-კახეთი იმერეთი, გურია და ბიძოს მიწა, აი ასე შეგვიცვალა ოლიგარქმა დედამიწა.
- მომავალი არჩევნების თარიღად 8 ოქტომბერი დასახელდა. ოპოზიციამ განგაში ატეხა, საარჩევნო კამპანის ვერ მოვასწრებთო. კარგი ხალხო თქვენ რაღა დაგემართათ, დევნილებს გაზი ჩაუჭრეს, სოციალურად დაუცველებს დახმარება მოუხსნეს, ხალხი უმუშევარი დატოვეს და კრიმინალი გაზარდეს, მეტი რაღა საარჩევნო კამპანია გინდათ?
- არჩევნების თარიღთან დაკავშირებით თავისებურად იხუმრა ქართული ოცნების „სექსმოლეულთა“ლიდერმა ბატონმა თამაზ მეჭიაურმა, ჩვენ გვქონდა თერგდალეულთა ეპოქა, ახლა გვაქვს სექსმოლელულთა ეპოქა. თამაზ მეჭიაური: „ცოტა იქეთ გადაწევა ყველას გვაწყობდა, გარანტირებული პარლამენტში მოხვედრა არავის გვაქვს, ერთი-ორი კაცის გარდა. გამომდინარე აქედან, ცოტა მეტ ხელფასს ავიღებდით“. სექსს რომ თავი დავანებოთ ამ კაცს იუმორიც კარგი ხნის მოლეული აქვს. მოკლედ, ოქტომბერში 2 დიდი ქეიფი გველის: 1 ოქტომბერს მთავრობის 4 წლის იუბილე და 8 ოქტომბერს გაცილების ბრწყინვალე დღესასწაული,“მანანა ღოღობერიძე
The Tbilisi Times
