ქართველმა ბერძნულ-რომაული სტილით მოჭიდავეებმა რობერტ კობლიაშვილმა (85) და იაკობ ქაჯაიამ ( 130) 2016 წლის ოლიმპიადის ლიცენზია მოიპოვეს.
რობერტ კობლიაშვილმა ფინალისკენ მიმავალ გზაზე ჯერ ლიტველი ლაიმუტის ადომაიტისს 4-1, ბრაზილიელ ბრანდაო სანტიაგოს 8-0, ხოლო ნახევარფინალში ყაზახი დანიალ გაჯიევი 2-1 დაამარცხა.
იაკობ ქაჯაიამ კი პირველი ორი მეტოქე ტუნისელი ჩები და ბერძენი კოუტსიოუმპასი ერთნაირი ანგარიშით – 8:0 გაანადგურა. რაც შეეხება ნახევარფინალს მან უნგრელ მიჰალი დიკ ბარდოშს შანსი არ დაუტოვა და 2:11 წუთში 9:0 დაამარცხა.
სადღეისოდ საქართველოს ოლიმპიურ გუნდს 32 ლიცენზია აქვს მოპოვებული:
ძიუდო – 7
თავისუფალი ჭიდაობა – 6
ძალოსნობა – 4
ბერძნულ-რომაული ჭიდაობა – 5
მშვილდოსნობა – 3
ტყვიით სროლა – 2 (დედა შვილი ნინო სალუქვაძე და ცოტნე მაჭავარიანი. ნინოსთვის ეს მე-8 ოლიმპიადაა)
მხატვრული ტანვარჯიში – 1
მძლეოსნობა – 1
ბატუტზე ხტომა – 1
ფარიკაობა – 1
ცურვა – 1
