Warning: Undefined array key 1 in /home/jzurebpo/web/ttimes.ge/public_html/wp-content/themes/Designlub/class/ContentTag.php on line 87
Warning: Undefined array key 1 in /home/jzurebpo/web/ttimes.ge/public_html/wp-content/themes/Designlub/class/ContentTag.php on line 87
იყო ცნობილი ეს არა მარტო ბავშვების, არამედ ბევრი უკვე ზრდასრული ადამიანის ოცნებაცაა. ადრე, ასეთი პოპულარულობის მოსახვეჭად ლივერპულელ ოთხეულს – “ბითლზებს“, ერთ ფერად კანიან ბიჭუნას – მაიკლ ჯექსონს და გიტარის ღმერთად წოდებულ ჯიმი ჰენდრიქს, წლები და დაუზოგავი შრომა დასჭირდათ. მათთვის პირველობა, ცნობადობა და თავბრუდამხვევი პოპულარობა წინააღმდეგობებთან თავდაუზოგავ ჭიდილს წარმოადგენდა. ეს იყო ნახევარი საუკუნის წინ, ზოგი მათგანი ცოცხალიც კი აღარაა, თუმცა წლების განმავლობაში ნაგროვებმა პოპულარობამ დროს გაუძლო. გაუძლო თაობებს, მოდას, განვითარებებისა და ცვლილებების უსწრაფეს ტემპს და დღეს ითვლებიან კლასიკად. დღეს ზოგ მათგანს მეფეს, ზოგს პრინცს, ზოგს დედოფალს და ზოგს ღმერთსაც კი უწოდებენ.
ადამიანი ყოველთვის ცდილობდა რთული ამოცანის ამოსახსნელად ყვლაზე მარტივი გზა მოეძებნა. ეს არის ადამიანის თვისება, რომელიც მას უფრო სხარტ აზროვნებაში ეხმარება. ამ თვისებას უნდა ვუმადლოდ 21-ე საუკუნის ტექნიკირი განვითარების ასეთ მაღალ საფეხურებს. ერთი შეხედვით გამარტივდა ყველაფერი: კონტაქტი, გადაადგილება, მუშაობა, სწავლა და ა.შ. ამ ყველაფერთან ერთად კი პირდაპირპროპორციულად გამარტივდა კავშირები ადამიანებს შორის. ადამიანი ისე გაცდა საღვარს, რომ სახლიდან ფეხიც არ გადაუდგამს. 21-ე საუკუნემ ახალთახალი ტენდენციები შემოიტანა. ერთ-ერთ მათგანს კი ერთ დღეში მოსული პოპულარობა წარმოადგენს.
რას ნიშნავს დღეს პოპულარობა? ის მარტივად მოდის. ის მოდის ყველასთან: ნიჭიერთან, უნიჭოსთან, ლამაზთან, ულამაზოსთან, წარმატებულთან, წარუმატებელთან, ჭკვიანთან, უჭკუასთან და მოკლედ ყველასთან, ვისაც ამის სურვილი აქვს და თქვენ წარმოიდგინეთ, იმათთანაც კი, ვისაც ამისი სურვილი არ აქვს. რაც ყველზე მთავარია, მას შეუძლია ერთ დღეში მოვიდეს, ხანდახან ერთი დღეც არ სჭირდება, საკმარისია საღამოს ყველა თავის ფეისბუქ გვერდს მიუსხდეს, რომ ერთი “მსხვერპლი” ნებაყოფლობით თუ უნებლიედ, უკვე განწირულია „თავბრუდამხვევი პოპულარობისთვის“. დღესდღეობით ადამიანი პოპულარული შეიძლება გახდე ისეთი უჩვეულო რამეებით, როგორიცაა გინება, უცნაური მუსიკალური გემოვნება, იეღოველობა, მეგრული კილო, სულელური გამოხედვა და საუბარი, მოდერნიზებული ქალაქის ხედის გადაღება, კარუსელის ცხენზე “კატავი”, გაუმართავი ინგლისური, განრისხებული ბავშვისმცემელი ბაბუაა და სხვა მრავალი სრულიად ლოგიკას მოკლებული და ნიჭიერებისგან შორს მდგომი მიზეზებით. პოპულარობა ხალხს თავისი ხელით მიაქვთ მათთვის, გაზიარებით, დაცინვით, შექებით, მოწონებით, რაც ყველაზე ეფექტურია, ლანძღვითა და გინებით. ყველაზე გულდასაწვეტი კი აქ ის არის, რომ სოციალური ქსელებისა და „იუთუბის“ ვარსკვლავების გაშარჟებაში ისეთი მედიასაშუალებებიც კი იღებენ მონაწილეობად, როგორებიცაა „რუსთავი 2“, თავისი დუბაური პრინცესათი; GDS – ერთსქესიან შეყვარებულ წყვილთა ვაჟკაცური მგინებლით, “იმედი” – პატარა მეგრელი გოგონას სასაცილოსაყვარელნარევი აქცენტით და სხვა კიდევ მრავალი „გამოჩენილი ვარსკვლავები“ და ტელევიზიები. ისინი აქტიურად უწყობენ მათ კიდევ უფრო ფართო მასებისთვის გაცნობას, ეს კი აჩენს მსგავსი პოპულარობის გაჩენის სურვილის სხვა კერებსაც. ზოგის ოცნებას ხომ სწორედ ტელევიზიაში გამოჩენა წარმოადგენს.
მარტივად მოსული პოპულარობა, რომელიც რეალურად არაფრის მომცემია ადამიანისთვის, მაინც სანატრელ რამედ რჩება ბევრისათვის. სოწრედ ეს და სხვა წარმატებული მაგალითები აძლევს სტიმულს სხვა მეოცნებეებს, ჩაებან ამ მსოფლიო სენში და ერთ საღამოს აღმოაჩნინონ, რომ მათ ფოტოებზე მოიმატა ლაიქებს ოდენობამ , გამოუჩნდნენ გამომწერები. ეს ყველაფერი ხომ ერთი ორად წევს ადამიანის ეგოს მაღლა, აძლევს თვითდაჯერებულობას, აჩვენებს, რომ მასზე საუბრობენ, როგორ და რას ლაპარაკობენ ამას დიდი მნიშვნელობა არ აქვს. მთავარი ისაა, რომ მისი სახელი იცის ყველამ. რისი მომცემია ეს? ეს არავინ არ იცის, ეს არის დროებითი ბედიერება იმ ადამიანებისთვის, რომლების ოცნება საკმაოდ მწირი, ენთუზიაზმს მოკლებული და მარტივია. საბედნიეროდ, მსგავსი პოპუალარობა ისევე მალე მიდის, როგორც მოდის. ეს ტრაგედიაა იმ ადამიანისთვის, თუმცა ჩემთვის არაფერს ცვლის, რადგან ხვალინდელი დღე ახალ „ვარსკვლავს“ უმზადებს საზოგადოებას. შესაქებად თუ საგინებლად ეგ უკვე სოციალური ქსელების მეკომენტარეებს მივანდოთ.
სოფო ხურცილავა
