„ვთავაზობ ბატონ პარტიის თავმჯდომარეს, ბიძინა ივანიშვილს შეგვხვდეს სამოქალაქო სექტორის წარმომადგენლებს“-ამის შესახებ ლექტორი და ეკონომიკური პოლიტიკის მკვლევარი, გიორგი მიქანაძე საკუთარი ფეისბუკის გვერდზე წერს და სამოქალაქო სექტორს მეტი ჩართულობისკენ მოუწოდებს.
„არანაირი კრიტიკა. ვისაუბროთ სამოქალაქო სექტორის პრობლემებზე და მისი გადაჭრის გზებზე.
გთავაზობთ კვარტალში ერთ შეხვედრას აქტიურ მოქალაქეებთან, რომელთაც გააჩნიათ უამრავი ხედვა და ჩანაფიქრი, რომლებიც მართლა გენიალურია. თუნდაც ერთი სრული დღის ფორმატი იყოს თავის თემატური პანელებით.
ოღონდ შევხვდებით არა მხოლოდ როგორც პოლიტიკოსს, არამედ როგორც ბიზნესმენსა და მეცენატს.
თუ გავაცნობიერებთ მთავარი “აქილევსის ქუსლი” არა რეფორმებში, არა ეკონომიკაში, არა პოლიტიკაში, არა ტელევიზიასა და ჟურნალისტებში არამედ მოქალაქეთა, სამოქალაქო სექტორის, საზოგადოების ფიქრებში, ყოფასა და დამოკიდებულებაშია. საარჩევნო ხმასაც ეს წყვეტს.
რადგან მედია ამბობს, რომ ჩვენ გვაქვს ჩვენი ხედვა და ამ ხედვით ვემსახურებით საზოგადოებას, მოდით, შუამავლების გარეშე შევხვდეთ. ნურც სხვებისგან გაიგებთ აზრს სხვებზე, ადამიანური ფაქტორები ხშირად ამახინჯებს რეალობას.
შეხვედრის ფორმატი იყოს დახურული. პირველ შეხვედრაზე შეიძლება მოისმინოთ სამუშაო ფორმატის იდეებიც. მთავარი მიზანი იქნება მოქმედებათა კოორდინაცია და ოპტიმიზაცია.
რეალურად სულ სხვაგან იდება ფსონი. კი, შექმნა ამ ადამიანმა “მოქალაქე” ესე იგი, პრობლემა გახლდათ გაცნობიერებული. მაგრამ, არ უნდა ხელოვნური შექმნა, ვინც არიან აქტიური მოქალაქეები მათზე დადეთ ფსონი.
ვერ შევთანხმდებით რაღაცებზე, არაუშავს, შემდეგზე გადავიდეთ 100 იდეიდან 5 ღირებული გამოვიდეს, ვინ იცის როგორ ღირდეს.
პოლიტიკური და ფინანსური ძალაუფლება, რაც ამ თემას სჭირდება დღეს ივანიშვილის ხელშია.
ვხედავ, რომ დავდივართ იგივე წრეზე, პრობლემები იდენტურია. დღეს ფაქტია, რომ მას აქვს ძალაუფლება. ფაქტია, რომ თუ რამ შეიცვალა, ახლა არ გვაქვს გარანტიები, რომ ვინმე უკეთესობისკენ შეცვლის.
ვუყურებ, უფრო და უფრო ყლაპავს საზოგადოებრივ ავტორიტეტებს პოლიტიკა.
მე მჯერა, რომ საზოგადოებაში უნდა დაიწყოს სხვა ძვრები, რათა შეიცვალოს ყველაფერი უკეთესობისკენ“.- წერს ეკონომიკური პოლიტიკის მკვლევარი, გიორგი მიქანაძე.
