საქართველოს სოციალურ მუშაკთა ასოციაციამ სტუდენტთა საერთაშორისო დღესთან დაკავშირებით სოციალური მუშაობის მიმართულების ბაკალავრიატისა და მაგისტრატურის სტუდენტებს უმასპინძლა. შეხვედრის ფარგლებში ასოციაციის წევრებმა, სოციალური მუშაობის ყოფილმა სტუდენტებმა ამჟამინდელ სტუდენტებს გაუზიარეს მუშაობის პრაქტიკული გამოცდილება, ამასთანავე, მიმოხილულ იქნა სოციალური მუშაობის შესახებ ახალი კანონი. სტუდენტებმა მიიღეს სრულყოფილი ინფორმაცია საქართველოში სოციალური მუშაკების დასაქმების ადგილებისა და ფუნქიცების შესახებ, გარდა ამისა, გაიცნეს საქართველოს სოციალურ მუშაკთა ასოციაციის საქმიანობა, ასოციაციაში გაწევრიანების შესაძლებლობები და ბენეფიტები.
შეხვედრაზე მყოფი ბაკალავრიატისა და მაგისტრატურის სტუდენტთა თქმით, მსგავსი ღმონისძიებები ხელს უწყობს მათი ცოდნის გამყარებას, ახალი ინფორმაციის მიღებას და ამასთანავე, სოციალურ მუშაკთა პრაქტიკული გამოცდილების გაზიარება ეხმარება მათ უკეთ გაიაზრონ ის პროფესია, რომელიც სამომავლოდ აირჩიეს. 
შეხვედრის ბოლოს გამოიკვეთა სტუდენტთა ინტერესები და განისაზღვრა ასოციაციის როლი ამ ინტერესების განხორციელებაში. სოციალურ მუშაკთა თქმით, ასოციაცია იზრუნებს და აქტიურად გააგრძელებს სტუდენტებთან შეხვედრას, შესაძლებელია ჩატარდეს რამდენიმე დღიანი ტრენინგებიც, რათა სტუდენტებმა შეძლონ თეორიული ცოდნის პრაქტიკაში გამოყენება, რაც, რა თქმა უნდა, კიდევ უფრო საინტერესოსა და ინტენსიურს გახდის პრაქტიკანტი სტუდენტებისა და ასოციაციის თანამშრომლობას.
ამასთანავე, ჩატარდა სოციალური მუშაობის ვიქტორინა, რომლის გამარჯვებულსაც გადაეცა პროფესიული ლიტერატურა.
ნინი ჭრიკიშვილი
