17 საათის წინ
დანაშაულისგან თავისუფალი უსაფრთხო ქვეყნების ინდექსით, საქართველო მსოფლიოში მეოთხე, ევროპის მასშტაბით კი, პირველ ადგილზეა
18 საათის წინ
საქართველო გერმანიას, საფრანგეთს, ლატვიას, ლიეტუვასა და ესტონეთს საზღვრებს გაუხსნის
2 დღის წინ
საერთაშორისო კონკურსში ქართულმა ღვინოებმა ოქროს და ვერცხლის მედლები დაიმსახურეს
2 დღის წინ
შს მინისტრის მოადგილე არ გამორიცხავს, რომ ექსპერტიზის დასრულების შემდეგ, გიორგი შაქარაშვილის საქმის კვალიფიკაცია შეიცვალოს და ბრალდება დამძიმდეს
3 დღის წინ
„ბიბისი“ – როგორ დაეხმარა „სამი მუშკეტერი“ საქართველოს ვირუსის წინააღმდეგ ბრძოლაში

როგორ დავიცვათ ბავშვები ფიზიკური ძალადობის, სექსუალური შევიწროების თუ სხვა სახის საფრთხეებისგან. ასევე, როგორ ამოვიცნოთ ბავშვის ქცევაში მასზე ძალადობის შემცველი სავარაუდო ფაქტები. შესაბამისი რეკომენდაციები მშობლებს, მეურვეებს, ძიძებს და ყველას, ვისაც ბავშთან ურთიერთობა უწევს, პარტნიორობა “ადამიანის უფლებებისთვის- PHR” იურისტმა ანნა არგანაშვილმა მისცა. ინფორმაციას “აჭარის ტელევიზია” ავრცელებს.

• უნდა ვიცოდეთ რას გვეუბნება ბავშვი მაშინაც კი, როცა ის ძალიან ჩუმადაა. განსაკუთრებული ყურადღება უნდა მივაქციოთ მაშინ თუ მხოლოდ ერთხელ გვითხრა, რომ ვიღაც ზრდასრულის ქცევაში რაღაც არ მოსწონს.  ეს მნიშვნელოვანია და უნდა გავარკვიოთ რას ეფუძნება მისი უარყოფითი ემოცია.

• ხანდახან ხდება ისე, რომ ბავშვები მოულოდნელად იკეტებიან საკუთარ თავში, გაგვერიდებიან უფროსებს,  ჩვენთან აღარ უნდათ კომუნიკაცია – ესეც ერთ-ერთი ძალიან საყურადღებო ქცევაა, რომელიც შესაძლოა პრობლემაზე მიუთითებდეს.

• ყურადღებაა მისაქცევია ბავშვი, როცა ასაკისთვის შეუსაბამო სექსუალიზირებული ქცევა აქვს. ამ სახის ინფორმაცია  მას არ უნდა ჰქონდეს.  ფაქტები კი ხშირია, რასაც მშობლები და აღმზრდელები უნდა დააკვირდნენ.

• მნიშვნელოვანია  ღამის კოშმარები, ძილის დარღვევა, რომელსაც არ შეიძლება არ მივაქციოთ ყურადღება, არ აღვიქვათ პრობლემად.

• ბავშვი თუ რომელიმე ზრდასრულ ადამიანთან დარჩენაზე მკვეთრ პროტესტს აცხადებს,  ამას აუცილებლად აქვს მიზეზი და უნდა გავარკვიოთ. ჩვენ რა თქმა უნდა ყოველთვის არ ვამბობთ, რომ სექსუალურ ძალადობასთან ან ძალადობას აქვს ადგილი, მაგრამ თუ ეჭვი წარმოგვეშვა, უკვე უნდა დავხარჯოთ დრო ამ ეჭვის გასარკვევად.

ანნა არგანაშვილის თქმით, მსგავსი ეჭვების არსებობის შემთხვევაში უფროსებმა შესაბამის უწყებებს უნდა მიმართონ, მათ შორის შინაგან საქმეთა სამინისტროს, სახალხლო დამცველს, სოციალურ სამსახურს.

შინაგან საქმეთა სამინისტრომ განაცხადა, რომ სამინისტრო სექსუალური ძალადობის ჩამდენ პირთა მიმართ სასჯელს ამკაცრებს. უწყებამ 12 თებერვალს შესაბამისი კანონპროექტიც წარადგინა. 

 

Please follow and like us: