მარშალ გელოვანის გამზირზე საავტომობილო მოძრაობა დროებით იკრძალება

თბილისის მერიის განცხადებით, 19 და 20 თებერვალს, 00:00 საათიდან 06:00 საათამდე მარშალ გელოვანის გამზირზე („ვეფხის და მოყმის“ ძეგლიდან დავით აღმაშენებლის ძეგლამდე) საავტომობილო მოძრაობა გადაიკეტება. ნაწილობრივ შეიზღუდება მოძრაობა დავით აღმაშენებლის ძეგლიდან ვაშლიჯვრის შუქნიშნამდე.

შეზღუდვა 21 და 22 თებერვალს, 00:00 საათიდან 06:00 საათამდეც დაწესდება. მოძრაობა გადაიკეტება დავით აღმაშენებლის ძეგლიდან ვაშლიჯვრის შუქნიშნამდე.

პარალელურად, ნაწილობრივ შეიზღუდება გადაადგილება ვაშლიჯვრის შუქნიშნიდან დავით აღმაშენებლის ძეგლამდე.