პარლამენტის წინ განვითარებულ მოვლენებთან დაკავშირებით საპატრიარქო განცხადებას ავრცელებს. ისინი მოუწდებე ხელისუფლებას, რომ მაქსიმალურად თავშეკავებულად იმოქმედონ ხალხთან მიმართებაში და მოერიდონ მკვეთრ ძალისმიერ ფორმებს.
“მოვუწოდებთ მოსახლეობას, გამოიჩინონ კეთილგონიერება და ნუ აყვებიან ემოციურ ფონს. აუცილებელია შექმნილი მდგომარეობის გაანალიზება, შეფასება და სწორი ნაბიჯების გადადგმა. მივმართავთ პარტიებს, განურჩევლად პოლიტიკური ორიენტაციისა, მივმართავთ ჟურნალისტებს, დიპლომატიურ კორპუსს, მოსახლეობას, გააკეთონ ყველაფერი, რათა სიტუაციამ უმართავი სახე არ მიიღოს და ქვეყანა არ დადგეს საერთო დიდი საფრთხის წინაშე”, — ნათქვამია საპატრიარქო განცხადებაში.
სპეცრაზმი უკვე რამდენიმე საათია ცრემლსადენ გაზსა და რეზინის ტყვიებს იყენებს აქციის მონაწილეების წინააღმდეგ. ახლა კი მათ წყლის ჭავლის გამოყენებაც დაიწყეს. დაშავებულთა ზუსტი რაოდენობა უცნობია. დაშავებულებს შორის არიან როგორც აქციის მონაწილეები, ისე სპეცრაზმელები.
