აშშ-ის პრეზიდენტმა დონალდ ტრამპმა, აშშ-ში მიმდინარე საყოველთაო საპროტესტო გამოსვლების ფონზე, ხელი მოაწერა აღმასრულებელ განკარგულებას, რომელიც პოლიციაში გარკვეული რეფორმების გატარებას გულისხმობს.
რეფორმის ერთი ნაწილი თანა-რეაგირების სამსახურს ეხება, რაც იმას ნიშნავს, რომ არაძალადობრივ გამოძახებებზე პოლიციის ოფიცერთან ერთად სოციალური მუშაკიც წავა, განსაკუთრებით, ფსიქოლოგიური აშლილობების და ნარკოტიკებზე დამოკიდებულების შემთხვევაში.
აღნიშნულ გადაწყვეტილებას საკუთარი ფეისბუკის გვერდზე, ფსიქოლოგი, ფსიქოთერაპევტი და დავითიანნის ფსიქოლოგიის ცენტრის ხელმძღვანელი ნინო კერესელიძე გამოეხმაურა. “თბილისი თაიმსი” ფსიქოლოგის წერილს უცვლელად გთავაზობთ.
“მნიშვნელოვანი გადაწყვეტილებაა.
მემგონი დრო არის, რომ ჩვენს საზოგადოებაშიც ადეკვატური გამოხმაურება მოჰყვეს.
დიახ, გვეხება სრულიად ფსიქოლოგებს და უნდა ამოვიღოთ ყველამ ხმა.
გამორიცხულია ძლიერი საზოგადოების არსებობა ფსიქოლოგების კორპუსის მხარდაჭერის გარეშე. ამასთან სასიცოცხლოდ მნიშვნელოვანია კვალიფიციური ფსიქოლოგების სულ უფრო მეტი ჩართულობა სახელმწიფო ინსტიტუტების გამართული ფუნქციონირებისთვის.
პირველ რიგში, სწორედ ჩვენ, ფსიქოლოგებმა უნდა დავიწყოთ შესაბამისი მოძრაობა.ეს იქნება კონფერენციები შესაბამისი გამოწვევებით, მრგვალი მაგიდები, შესაბამისი კადრების მომზადება და იდეების სისტემატიზირებაში მაქსიმალური ჩართულობა.
ფაქტია და უკვე ყველა ვხედავთ, რომ ხშირად დგება სოციალური მუშაკის ან ფსიქოლოგის ყოფნა გამოძახებაზე და ხშირად ემოციურ მხარდაჭერას გადამწყვეტი მნიშვნელობაც აქვს არაძალადობრივი ტიპის შემთხვევებზე.
იმედს ვიტოვებ, რომ ამ კონკრეტულ შემთხვევაში ჩვენი ქვეყანაც მალე გააცნობიერებს ამ საკითხის აქტუალურობას და დროულად დაიწყება ქართული პოლიციის მოდიფიცირება შესაბამისი სტანდარტების მიხედვით.
რა თქმა უნდა, ამ შემთხვევაშიც კვალიფიკაციის ქონა არსებითია და შესაბამისად რაც შეიძლება მალე უნდა
დაიწყოს სოციალური მუშაკების და ფსიქოლოგების მომზადება.
ჩემი მხრივ, მე როგორც ფსიქოლოგი ყველაფერს გავაკეთებ, რომ სულ უფრო მეტად დაფასდეს, რომ საზოგადოებრივი და სამთავრობო ინსტიტუციების, ასევე კერძო ბიზნეს საქმიანობაში კვალიფიცირებული ფსიქოლოგის ჩართულობა სასიცოცხლოდ მნიშვნელოვანი და აუცილებელია”.
