GOT-ის გმირები – კადრი და რეალობა

ზოგჯერ მსახიობები რადიკალურად განსხვავდებიან საკუთარი როლებისგან. ისეც ხდება, რომ მათი პერსონაჟი საკმაოდ ახლოსაა მათსავე რეალურ პიროვნებასთან. “სამეფო კარის თამაშები” აბსოლუტური უმრავლესობისთვის ცნობილი სერიალია. ის ძალიან ბევრისთვის არის გამორჩეული და გმირებიც განსაკუთრენულად საყვარლები არიან.

სერიალის მიმდინარეობისას ყველა სხვადასხვა პერსონაჟს გულშემატკივრობდა, მის ხასიათებს ითვისებდა და მასთან ერთად “იბრძოდა” ლიდერობისთვის. თუმცა, ჩვენი საყვარელი მსახიობების რეალური განწყობები როლს ნაკლებად თუ შეესაბამება.

ემილია კლარკი დეინერის ტარგარიანის როლს ასრულება. დეინერისის პერსონა მებრძოლი ხასიათისაა და ლიდერის უნარ-ჩვევები ახასიათებს. თუმცა, აქ იმის ხაზგასმა გვსურს, რომ რეალურ ცხოვრებაში “სიცილის დედოფალს” GOT-ში გაღიმებულსაც კი იშვიათად თუ ვნახავთ. ემილია კი საზოგადოებისთვის გამორჩეული სწორედაც რომ საკუთარი სიცილითაა.

კიტ ჰარინგტონი, იგივე ჯონ სნოუ – ისეც და ასეც, გულთამპყრობელი, რომელმაც ბევრი ქალბატონის სიმპათია და კეთილგანწყობა დაიმსახურა. სერიალში ის გამორჩეული პერსონაჟია და, ასევე, არაერთი სერიის მთავარი გმირი. არც კადრში და არც მის მიღმა ჰარინგტონის შარმი შეუმჩნეველი არ არის – ის საკმაოდ ჰგავს „ჯონ ნოუს“.

„სამეფო კარის თამაშებში“ ლენა ჰედი სერსეი ლანისტერის როლს ასრულებს. სერიალში ის მებრძოლ; ლიდერობისთვის, პირველობისა და დედოფლობისთვის მებრძოლ ქალს განასახიერებს – სერსეის უპირველესი ამოცანა სწორედ პირველობაა, მისი ფიქრი და პრობლემები ამის გარშემო ტრიალებს. ლენა ჰედი, საკუთარი გმირია განსხვავებით, ძალიან პოზიტიურია.“ინსტაგრამზე“ განსაკუთრებულად აქტიურობს და ავრცელებს ფოტოებსა და ვიდეოებს, რომლებზეც მღერის და ერთობა. მეგობრებს ხშირად უვრცელებს სასაცილო ფოტო-ვიდეოებს.

პიტერ დინგლიჯი, ანუ – ტირიონ ლანისტერი – ბრძენი, გონიერი და ჭკვიანი პერსონაჟი GOT-ში. გმირს ქალები უყვარს, ღვინის სმა უყვარს. რეალურ ცხოვრებაში პიტერი მოსიყვარულე და ყურადღებიანი მამაა. შვილთან ერთად ხშირად ხედავენ პაპარაცები ქუჩებში, სადაც ერთად სეირნობენ.

სოფი ტერნერი სერიალში სანსა სტარკს განასახიერებს – პირველ სერიებში სოფი ძალიან პატარა ასაკისაა. სეზონების მანძილზე იზრდება და დღეს რეალურ ცხოვრებაში ის ძალიან მიმზიდველი და ლამაზია. წითური სანსა ქერა სოფის უკვე მერვე სეზონზე არაფრით ჩამოუვარდება.

არია სტარკი – ის გულშემატკივრებს აშკარად გამორჩეულად უყვართ. როლზე დამტკიცებისას მეიზი უილიამსი საკმაოდ პატარა ბავშვი იყო. დროთა განმავლობაში ის დახვეწილი და გემოვნებიანი არია და მეიზი გახდა.