ზაფხული ბევრისთვის იმიტომ არის გამორჩეული და სასურველი სეზონი, რომ რუჯის მიღებაა შესაძლებელი. ჩვეულებრივ, ზღვის სანაპირო ამისთვის იდეალური შესაძლებლობაა. ზაფხულის სიცხეს წყალი არაჩვეულებრივად ანეიტრალებს. თუმცა, მზის სხივებს, გარდა ლამაზი ფერის მიღებისა, შეუძლია, ჩვენთვის უსიამოვნო აღმოჩნდეს.
მზის სხივებს ჩვენი კანისთვის ვერ ვიტყვით, რომ, მაინცდამაინც, დიდი სარგებლის მოტანა შეუძლია.
როგორც წესი, გარუჯვას თან ახლავს უსიამოვნო შეგრძნებები – როგორიცაა თავბრუს ხვევა, გულის რევის შეგრძნება. შესაბამისად, არ არის სასურველი, რომ ქრონიკული დაავადებების მქონე ადამიანებმა გარუჯვის დიდხნიან პროცედურებში მიიღონ მონაწილეობა. ყოველ შემთხვევაში, სასურველია, ამა თუ იმ დაავადების მქონე ადამიანებს ჰქონდეს სამედიცინო სფეროს წარმომადგენლის დასტური, რომ ეს პროცესი მათთვის არ არის საფრთხისშემცველი.
უმრავლესობისთვის კარგად არის ცნობილი, თუ რამდენად მავნებელია ჩვენი კანისთვის მზია სხივები 12-დან 14 საათამდე პერიოდში. გარდა იმისა, რომ ამ პერიოდში მზე თავის ტკივილსა და გულისრევას იწვევს, კატეგორიულად შეგვიძლია, ვთქვათ, რომ ნებისმიერი ტიპის კანისთვის მაქსიმალურად საზიანოა. ამიტომ, ამ პერიოდში უნდა შევიკავოთ თავი მზეზე სიარულისგან.
სასურველია, გარუჯვის პროცესი დღიურად არ აღემატებოდეს ერთ საათს. თუმცა, ზღვის სანაპიროზე მიღებული რუჯი სოლარიუმისას იმით ჯობს, რომ კანის დანეტინების გაცილებით დიდი რესურსია. ეს იძლევა საშუალებას, თავიდან ავიცილოთ დამწვრობის შესაძლებლობა და ჩვენი შეფერილობაც იყოს, მეტნაკლებად, ჯანსაღი. სოლარიუმს რაც შეეხება, აქ გაცილებით ნაკლები დრო უნდა დავყოთ გასარუჯად.
გარდა ჩვენი კანის დანეტიანებისა, სასურველია, ჩვენმა ორგანიზმმა დიდი რაოდენობით წყალი მიიღოს. რაც უფრო დიდ დროს ვუთმობთ შეფერილობის მიღებას, მით მეტ სითხეს მოითხოვა ჩვენი ორგანიზმი. სწორედ ამიტომ, სასურველია, გარუჯვამდე და მის შემდგომ დიდი რაოდენობის წყალი მივირთვათ.
ამასთან, საჭიროა კანის დატენიანება შესაბამისი კრემებითა და მზისგან დამცავი საშუალებებით, რომლებიც ინდივიდურად იქნება მორგებული კანის ტიპს.
გისურვებთ უსაფრთხო და სასიამოვნო ზაფხულს!
ავტორი: მარიამ ტიელიძე
