საქართველოში უამრავი ხელოვანი ადამიანი დაბადებულა და მომავალშიც დაიბადება. გემოვნებიდან და მიზნებიდან გამომდინარე, ყოველ მათგანს არჩევანის გაკეთება უწევს. ასეა თუ ისე, ზოგიერთი სამშობლოდან სხვა ქვეყანაში მიდის.
ფაქტია, რომ უმეტესად მუსიკალური მიმართულებით მოღვაწე ქართველები მიდიან ქვეყნის ფარგლებს გარეთ და საკმაოდ დიდ და ხმაურიან წარმატებებსაც აღწევენ. მათ შორისაა:
თამთა გოდუაძე – ბევრისთვის გამორჩეულად საყვარელი პოპ მომღერალი. თამთა საბერძნეთში მოღვაწეობს და მისი მუსიკალური წარმატებებიც სწორედ ამ ქვეყანასთან არის დაკავშირებული.
ქეთი მელუა – “წარმოშობით ქართველი ბრიტანელი მომღერალი” – ასე ხასითდება ქეთი. მას საკუთარი ისტორია აქვს და მომღერლის ადრეული ასაკი მშობლიურ საქართველოს უკავშირდება.
ქეთა თოფურია – მომღერლის მუსიკალური – და არამარტო – ცხოვრება სრულად უკავშირდება რუსეთს. სწორედ ამ ქვეყანაში მიაღწია მან მისთვის მნიშვნელოვან წინსვლებს.
ხატია ბუნიათიშვილი – ქართველებისთვის უზომოდ საამაყო პიანისტი. მისი წარმატებები მსოფლიოს არაერთი ქვეყნის სცენებთან არის დაკავშირებული.
ნინო სურგულაძე – ოპერის მომღერალი საქართველოდან. ის წარმატებით მოღვაწეობს მსოფლიო საოპერო სცენაზე.
მასალა მოამზადა : მარიამ ტიელიძემ
